അനുബന്ധ വാര്ത്തകള്
- വ്യവസായി രവി പിള്ളയുടെ മകന്റെ വിവാഹ ചടങ്ങില് പങ്കെടുത്ത് മോഹന്ലാലും ഭാര്യയും, വീഡിയോ
- 12 വര്ഷത്തെ കാത്തിരിപ്പിന് വിരാമം, മോഹന്ലാല്-ഷാജി കൈലാസ് ടീമിന്റെ പുത്തന് സിനിമ പ്രഖ്യാപിച്ചു
- സന്തോഷത്തിലും സങ്കടത്തിലും താങ്ങായി ഒപ്പം നില്ക്കുന്ന ഇച്ചാക്ക..., മമ്മൂട്ടിക്ക് പിറന്നാള് ആശംസകളുമായി മോഹന്ലാല്, വീഡിയോ
- മമ്മൂട്ടിയെ കെട്ടിപ്പിടിക്കാനും ഉമ്മ വെക്കാനുമെല്ലാമുള്ള സ്വാതന്ത്ര്യം ഇപ്പോഴും ഉണ്ട്: മോഹന്ലാല്
- ഒടിയന് ശേഷം മോഹന്ലാല് - ശ്രീകുമാര് മേനോന് ടീം വീണ്ടും ഒന്നിക്കുന്നു ?
പുലര്ച്ചെ മൂന്നിന് ഗുരുവായൂരപ്പനെ വണങ്ങാന് മോഹന്ലാല് എത്തി
കുറേക്കാലമായുള്ള മനസിലെ ആഗ്രഹം നിറവേറ്റി മലയാളികളുടെ സ്വന്തം ലാലേട്ടന്. വ്യാഴാഴ്ച പുലര്ച്ചെ മൂന്നിനാണ് ഗുരുവായൂരപ്പനെ വണങ്ങാന് മോഹന്ലാല് എത്തിയത്. അഷ്ടപദിയിലെ ദശാവതാരസ്തുതി കേട്ട് ശംഖാഭിഷേകവും കണ്ടാണ് ലാല് ഗുരുവായൂരപ്പനെ വണങ്ങിയത്. നറുനെയ്യും കദളിപ്പഴവും പട്ടും പണവും താമരയും സോപാനത്ത് സമര്പ്പിച്ചു. നിര്മ്മാല്യവും വാകച്ചാര്ത്തും തൊഴുതാണ് ലാല് മടങ്ങിയത്. യുവ സോപാനഗായകന് രാമകൃഷ്ണയ്യര് സോപാനശൈലിയില് ഗീതഗോവിന്ദത്തിലെ ദശാവതാരസ്തുതി ആലപിച്ചപ്പോള് ലാല് അതുകേട്ട് മുഴുകിനിന്നു. ഗായകനെ അനുമോദിച്ച് ദക്ഷിണ സമര്പ്പിക്കാനും മോഹന്ലാല് മറന്നില്ല. കുറേക്കാലമായി താന് ഗുരുവായൂരപ്പനെ തൊഴുതിട്ടെന്നും ഇപ്പോള് ഗുരുവായൂര് എത്താന് സാധിച്ചത് വലിയ ഭാഗ്യമായി കരുതുന്നെന്നും മോഹന്ലാല് പറഞ്ഞു.
