'വേലായുധം' റിലീസായി 10 വര്‍ഷം, ഇന്നും പലരും എന്നെ 'ദളപതി തങ്കച്ചി' എന്ന് വിളിക്കുന്നു, അഭിമാനം തോന്നുന്നുവെന്ന് ശരണ്യ മോഹന്‍

കെ ആര്‍ അനൂപ്| Last Modified ചൊവ്വ, 22 ജൂണ്‍ 2021 (16:10 IST)

2011ല്‍ പുറത്തിറങ്ങിയ വിജയ് ചിത്രമാണ് വേലായുധം. സിനിമ റിലീസായി പത്ത് വര്‍ഷങ്ങള്‍ പിന്നിടുമ്പോഴും തന്നെ 'ദളപതി തങ്കച്ചി' എന്നാണ് ആളുകള്‍ വിളിക്കുന്നതെന്ന് നടി ശരണ്യ മോഹന്‍. വിജയിനോടൊപ്പം വര്‍ക്ക് ചെയ്തതില്‍ അഭിമാനം തോന്നുന്നുവെന്ന് പറഞ്ഞു കൊണ്ടാണ് അദ്ദേഹത്തിന് പിറന്നാളാശംസകള്‍ ശരണ്യ നേര്‍ന്നത്.

'വേലായുധം സിനിമ പുറത്തിറങ്ങി 10 വര്‍ഷമായി. എന്നിട്ടും പലരും എന്നെ 'ദളപതി തങ്കച്ചി' എന്ന് അഭിസംബോധന ചെയ്യുന്നു. അത്തരമൊരു നല്ല കലാകാരനോടും മനുഷ്യനോടും ഒപ്പം പ്രവര്‍ത്തിച്ചതില്‍ എനിക്ക് അഭിമാനവും ബഹുമാനവും തോന്നുന്നു. ഈ പ്രത്യേക ദിവസത്തില്‍, വിജയ് അന്നയ്ക്ക് സന്തോഷകരവും സമൃദ്ധവുമായ മുന്നോട്ടുള്ള ജീവിതവും ജന്മദിനവും നേരുന്നു'- ശരണ്യ മോഹന്‍ കുറിച്ചു.



ഇതിനെക്കുറിച്ച് കൂടുതല്‍ വായിക്കുക :