നടിയെ ആക്രമിച്ച കേസിലെ അന്വേഷണ ഉദ്യോഗസ്ഥനെ അപായപ്പെടുത്താന്‍ ഗൂഢാലോചന നടത്തിയെന്ന കേസില്‍ ദിലീപിന് ഹൈക്കോടതിയില്‍ നിന്ന് വന്‍ തിരിച്ചടി. ദിലീപ് ഉടന്‍ എല്ലാ ഫോണുകളും കൈമാറണമെന്ന് ഹൈക്കോടതി പറഞ്ഞു. സഹകരിച്ചില്ലെങ്കില്‍ മാറി ചിന്തിക്കേണ്ടിവരുമെന്നും കോടതി മുന്നറിയിപ്പ് നല്‍കി.

തിങ്കളാഴ്ച തന്നെ ഫോണുകള്‍ കൈമാറണമെന്നാണ് കോടതി ദിലീപിനോട് പറഞ്ഞത്. തിങ്കളാഴ്ച ഫോണുകള്‍ കൈമാറാന്‍ ബുദ്ധിമുട്ടുണ്ടെന്നും ചൊവ്വാഴ്ച മതിയോ എന്നും ദിലീപ് ചോദിച്ചു. ഫോണുകള്‍ മുംബൈയിലാണ്, അതുകൊണ്ട് ചൊവ്വാഴ്ച എത്തിക്കാമെന്നാണ് ദിലീപ് അറിയിച്ചത്. എന്നാല്‍, പറ്റില്ലെന്ന് കോടതി പറഞ്ഞു. ആരെയെങ്കിലും അയച്ച് ഫോണുകള്‍ എത്തിക്കണമെന്നും കോടതി ദിലീപിനോട് ആവശ്യപ്പെട്ടു.