അനുബന്ധ വാര്ത്തകള്
- 'ചുംബന രംഗത്തിന്റെ പേരില് ദുര്ഗ കൃഷ്ണ ഇപ്പോഴും വേട്ടയാടപ്പെടുകയാണ്';ഉടല് കൂടി ഇറങ്ങിയപ്പോള് ചാപ്പയടിക്ക് ശക്തി കൂടിയെന്ന് സംവിധായകന് ബിലഹരി രാജ്
- Kudukku 2025 Official Teaser: സസ്പെന്സ് ത്രില്ലര്, ഉടലിനു ശേഷം ദുര്ഗ കൃഷ്ണ,'കുടുക്ക് 2025' ടീസര്
- വിനീത് ശ്രീനിവാസനൊപ്പം ഷൈന് ടോം ചാക്കോ,'കുറുക്കന്' അണിയറയില് ഒരുങ്ങുന്നു
- ലജ്ജയില്ലാതെ 'മേപ്പടിയാന്' ആഘോഷിക്കും,തിയേറ്ററുകളില് എത്തിക്കാന് 4 വര്ഷമെടുത്തു: ഉണ്ണി മുകുന്ദന്
- 'റിയലിസ്റ്റിക് ത്രില്ലര്'; മേപ്പടിയാന് ഇഷ്ടപ്പെട്ടെന്ന് നടി ശ്വേത മേനോന്
'വിമര്ശനം മുഴുവന് സ്ത്രീയായ ദുര്ഗ കൃഷ്ണയ്ക്കാണ്';രണ്ടു പേരും ചെയ്തത് അവരവരുടെ ജോലിയാണെന്ന് നടന് കൃഷ്ണ ശങ്കര്
കുടുക്ക് സിനിമയിലെ ടീസര് കഴിഞ്ഞ ദിവസം പുറത്തുവന്നിരുന്നു. ചിത്രത്തിലെ ഗാനം പുറത്തിറങ്ങിയതിന് പിന്നാലെ നടി ദുര്ഗാകൃഷ്ണക്കെതിരായ സൈബര് ആക്രമണം. പ്രതികരണവുമായി നായകന് കൂടിയായ കൃഷ്ണ ശങ്കര്.
കൃഷ്ണ ശങ്കറിന്റെ വാക്കുകള്
ഇന്ന് കുറച്ചു നേരം മുമ്പ് ദുര്ഗ കൃഷ്ണയുടെ ഒരു കോള് വന്നു .ഞങ്ങള് ഒരുമിച്ചഭിനയിച്ച ഒരു സിനിമയിലെ ഗാന രംഗത്തിലെ സീന് കാരണം ഇപ്പോഴും ഇന്ന് ഈ രാത്രിയിലും ദുര്ഗ്ഗയെയും അവരുടെ ഹസ്ബന്ഡ് ആയ അര്ജുനെയും വീട്ടുകാരെയും മോശമായി സംസാരിക്കുന്നു . ഇതില് കൂട്ടുപ്രതിയായ ഞാന് എന്റെ വീട്ടില് കുട്ടികളെയും കളിപ്പിച്ച് ഭാര്യയായി സുഖമായി ഉറങ്ങാന് പോകുന്നു . രണ്ടു പേരും ചെയ്തത് അവരവരുടെ ജോലിയാണ് .
പക്ഷെ വിമര്ശനം മുഴുവന് സ്ത്രീയായ ദുര്ഗ കൃഷ്ണയ്ക്കാണ് . ഇതിനു മുമ്പ് ഞാന് ഒരു ഇന്റര്വ്യൂവില് പറഞ്ഞത് പോലെ ഒരു നല്ല കഥയുണ്ട് , പക്ഷെ അതില് അഞ്ച് ലിപ് ലോക്കുമുണ്ട് എന്ന് പറഞ്ഞാല് ലിപ്ലോക്കിന്റെ ആശങ്കകള് മാറ്റിവച്ച് ഒരു സെക്കന്ഡ് പോലും ആലോചിക്കാതെ ആ സിനിമ ഞാന് ചെയ്യാം . കാരണം ഒരു നല്ല സിനിമ ചെയ്യുക എന്നതാണ് ഒരു നടന്റെ ലക്ഷ്യം .
പക്ഷെ അത് തന്നെ ഇവര്ക്ക് വരുമ്പോള് കഴിഞ്ഞ പടത്തില് ഇതിന്റെ പേരില് അനുഭവിക്കേണ്ടി വന്ന മോശം experience കൊണ്ട് ആ സിനിമ തന്നെ ഇവര് ഉപേക്ഷിക്കേണ്ടി വന്നാല് അത് അവരുടെ ഏറ്റവും വല്യ സ്വപ്നം ഉപേക്ഷിക്കുന്നതിനു തുല്യമാകും . ഇതിനൊരു മാറ്റം നമ്മള് തന്നെ കൊണ്ട് വരണം , നട്ടെല്ലില്ലാത്തവന് എന്നവരുടെ ഭര്ത്താവിനെ പറയുമ്പോള് എത്ര ആളുകള് ഉണ്ട് അയാളെ പോലെ ഭാര്യയോടുള്ള സ്നേഹവും വിശ്വാസവും അവര് ചെയ്യുന്ന ജോലിയോടുള്ള ബഹുമാനവും ഉള്ളവര് .
അത് കൊണ്ട് ഇത്തരത്തിലുള്ള കമന്റുകള് എഴുതുമ്ബോള് ഒരു നിമിഷം മുമ്പ് നിങ്ങള് നിങ്ങളുടെ വീട്ടുകാരെ ഒന്ന് സ്മരിക്കുക.
