കെ ആര്‍ അനൂപ്|
Last Modified ചൊവ്വ, 28 മാര്‍ച്ച് 2023 (17:25 IST)
ദുല്‍ഖര്‍ സല്‍മാന്‍ പുതിയ ഉയരങ്ങളിലേക്ക് പറന്നുകൊണ്ടിരിക്കുകയാണ്.ബി ബി സി ടോപ് ഗിയര്‍ മാഗസീന്‍ കവര്‍ പേജില്‍ നടന്റെ മുഖം. മൂന്നാം വാര്‍ഷികത്തിന്റെ ഭാഗമായി മാഗസിന്‍ പുറത്തിറക്കിയ കവര്‍ പേജിലാണ് ദുല്‍ഖറിന്റെ ചിത്രം എത്തിയത്.
ഇത് തന്റെ ഒരു സാക്ഷാത്കാരമാണെന്നാണ് ദുല്‍ഖര്‍ പറഞ്ഞു. ഈ മാഗസിനിന്റെ കവര്‍ പേജില്‍ ഇടം നേടുന്ന ആദ്യത്തെ തെന്നിന്ത്യന്‍ താരമായി നടന്‍ മാറി. ഇത്തരത്തില്‍ എത്തുന്ന രണ്ടാമത്തെ ഇന്ത്യന്‍ നടനാണ് ദുല്‍ഖര്‍.
ഓഡി ആര്‍ എസ് ഇ-ട്രോണ്‍ ജിറ്റി കാറിന് ഒപ്പമാണ് നടന്റെ ഫോട്ടോഷൂട്ട്. 24000 രൂപയോളം വിലമതിക്കുന്ന ഹ്യൂമന്‍ ബ്രാന്‍ഡിന്റെ ഡൈവേര്‍സിറ്റ് ജിടി 1.1 റെഡ് പഫര്‍ ജാക്കറ്റാണ് താരം ധരിച്ചിരിക്കുന്നത്.
