മറ്റൊരു താരവിവാഹത്തിന് കൂടി സാക്ഷിയാകാനൊരുങ്ങി ബോളിവുഡ്. ബോളിവുഡ് സംവിധായകനായ അഭിഷേക് പഥകും നടി ശിവലീക ഒബ്രോയിയുമാണ് ഇക്കുറി വിവാഹിതരാകുന്നത്. ദൃശ്യം 2 എന്ന ചിത്രത്തിൻ്റെ സംവിധായകനാണ് അഭിഷേക്. ഏറെ നാളത്തെ പ്രണയത്തിനൊടുവിലാണ് ഇരുവരുടെയും വിവാഹം.

ഗോവയിൽ വെച്ച് ഈ വരുന്ന ഫെബ്രുവരിയിരിലാകും വിവാഹം. വിവാഹത്തീയതി എന്നാണെന്ന് വ്യക്തമല്ല. അടുത്ത സുഹൃത്തുക്കളും ബന്ധുക്കളും മാത്രമാകും വിവാഹത്തിൽ പങ്കെടുക്കുക. വിദ്യുത് ജാംവാൽ നായകനായ ഖുദാ ഹാഫിസ്1,2 എന്നീ ചിത്രങ്ങളിലെ നായികയാണ് ശിവലീക. ഖുദാഹഫീസിൻ്റെ നിർമാതാക്കളിൽ ഒരാളായിരുന്നു അഭിഷേക്. ഈ ചിത്രത്തിൽ തുടങ്ങിയ സൗഹൃദമാണ് ഇരുവരെയും ഇപ്പോൾ വിവാഹത്തിലെത്തിച്ചിരിക്കുന്നത്.