തെന്നിന്ത്യൻ ചലചിത്രതാരം ഉഷാറാണി(62) അന്തരിച്ചു. വൃക്ക സംബന്ധമായ അസുഖത്തെ തുടർന്ന് ചെന്നൈയിലെ സ്വകാര്യ ആശുപത്രിയിൽ ചികിത്സയിലായിരുന്നു.

മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലായി ഇരുനൂറിലധികം ചിത്രങ്ങളിൽ അഭിനയിച്ചിട്ടുള്ള ഉഷാറാണി ബാലതാരമായാണ് സിനിമാരംഗത്തെത്തിയത്.ശിവാജി ഗണേശന്‍, എംജിആര്‍, കമല്‍ഹാസന്‍, പ്രേംനസീര്‍ എന്നിവര്‍ക്കൊപ്പം അഭിനയിച്ച ഉഷാറാണി വിവാഹത്തിന് ശേഷം അഭിനയം നിർത്തിയിരുന്നു. പിന്നീട് എട്ടുവർഷങ്ങൾക്ക് ശേഷം സിനിമയി സജീവമായി.തലസ്ഥാനം, ഏകലവ്യന്‍, ഭാര്യ തുടങ്ങി നിരവധി സിനിമകളില്‍ വേഷമിട്ടത് ഇക്കാലത്താണ്.

അന്തരിച്ച സംവിധായകന്‍ എന്‍ ശങ്കരന്‍നായരുടെ ഭാര്യയാണ്. വിഷ്ണുശങ്കര്‍ മകനും കവിത മരുമകളുമാണ്. സംസ്‌കാരചടങ്ങുകൾ ഞായറാഴ്‌ച വൈകീട്ടോടെ ചെന്നൈയിൽ നടക്കും.