മലയാളത്തിന്റെ മഹാനടന് മമ്മൂട്ടി ഇപ്പോള് പഴയതുപോലെ നല്ല സിനിമകള് ചെയ്യുന്നില്ല എന്നൊരു പരിഭവം അദ്ദേഹത്തെ സ്നേഹിക്കുന്നവര്ക്കുണ്ട്. എന്നാല് അദ്ദേഹത്തിന്റെ ഭാഗത്തുനിന്നുണ്ടാകുന്ന നല്ല സിനിമകള്ക്കായുള്ള ശ്രമങ്ങള് വേണ്ടത്ര വിജയം കാണുന്നില്ല എന്നതാണ് സത്യം. ‘കുഞ്ഞനന്തന്റെ കട’ പോലെയുള്ള നല്ല ശ്രമങ്ങള് വിജയിക്കാതെ വരികയും ജനങ്ങള് ഏറ്റെടുക്കാതിരിക്കുകയും ചെയ്യുമ്പോള് അത് ഏത് താരത്തെയും പ്രതിസന്ധിയിലാക്കും. ഏത് തരം സിനിമയാണ് ജനങ്ങള്ക്ക് വേണ്ടത് എന്ന് മനസിലാക്കാനാകാത്ത അവസ്ഥ. നല്ല ഒരു സിനിമ വേണ്ട രീതിയില് പ്രേക്ഷകരിലേക്കെത്തിക്കാന് കഴിയാത്ത നിസഹായാവസ്ഥ.
