ദിലീപിനെ നായകനാക്കി നാദിര്‍ഷ സംവിധാനം ചെയ്യുന്ന ഏറ്റവും പുതിയ ചിത്രമാണ് കേശു ഈ വീടിന്റെ നാഥന്‍. ന്യൂ ഇയര്‍ റിലീസായി ഡിസംബര്‍ 31ന് ഡിസ്നി പ്ലസ് ഹോട്ട് സ്റ്റാറിലൂടെ പ്രദര്‍ശനത്തിനെത്തുന്ന സിനിമയെക്കുറിച്ച് പറയുകയാണ് നടന്‍ ദിലീപ്.

ഇരുപത്തി മൂന്ന് മാസങ്ങള്‍ക്കു മുമ്പ് തന്നെ രണ്ട് സീന്‍ ഒഴിച്ച് ബാക്കിയെല്ലാം ചിത്രീകരണം പൂര്‍ത്തിയാക്കിയ സിനിമയായിരുന്നു കേശു ഈ വീടിന്റെ നാഥന്‍ എന്ന് ദിലീപ്. 2020 ഏപ്രിലായിരുന്നു റിലീസ് ചെയ്യാന്‍ ആദ്യം തീരുമാനിച്ചിരുന്നത്.

ആദ്യം ഒ.ടി.ടിയെ കുറിച്ച് ചിന്തിച്ചിരുന്നില്ല. 100% കുടുംബച്ചിത്രമാണെന്നും അത് കുട്ടികള്‍ ഉള്‍പ്പെടെയുള്ള കുടുംബ പ്രേക്ഷകരിലേക്കാണ് എത്തേണ്ടത്. എല്ലാവരും സിനിമ കാണണമെന്ന് ആഗ്രഹമുണ്ട്. അതുകൊണ്ടാണ് ജനപ്രിയ ഒ.ടി.ടി പ്ലാറ്റ്‌ഫോമായ ഡിസ്‌നി പ്ലസ് ഹോട്ട്സ്റ്റാറിലൂടെ സിനിമ റിലീസ് ചെയ്യുന്നതെന്നും ദിലീപ് പറഞ്ഞു.

പൊട്ടിച്ചിരിക്കാന്‍ ഒരുപാടുണ്ടെന്നും ഒരു അഭിമുഖത്തിനിടെ ദിലീപ് പറയുന്നു.