വിവാഹം കഴിഞ്ഞ് അഞ്ച് മാസത്തിനുള്ളില്‍ കാവ്യയ്ക്ക് ഏല്‍ക്കേണ്ടി വന്നത് കടുത്ത മാനസിക പീഡനമാണെന്ന് സൂചന. വിവാഹത്തിനു മുമ്പു തന്നെ നിശാലുമായുള്ള ബന്ധം ശരിയാവില്ലെന്നും പിന്‍‌മാറാമെന്നും കാവ്യയെ മാതാപിതാക്കളും ബന്ധുക്കളും ഉപദേശിച്ചിരുന്നത്രേ. എന്നാല്‍, എന്തും സഹിക്കാന്‍ തയ്യാറാണെന്നും ഇനി പിന്‍‌മാറുന്നത് ശരിയല്ലെന്നും കാവ്യ പറഞ്ഞതനുസരിച്ചാണ് വിവാഹം നടന്നത്. കാവ്യയ്ക്ക് വിവാഹത്തില്‍ നിന്ന് പിന്‍‌മാറുന്നതിന് വേറെയും തടസങ്ങള്‍ ഉണ്ടായിരുന്നു. അതില്‍ ഒന്ന്, യഥാര്‍ത്ഥ വിവാഹം നടക്കുന്നതിന് ദിവസങ്ങള്‍ക്കു മുമ്പ് കാവ്യയും നിശാലും തമ്മിലുള്ള രജിസ്റ്റര്‍ വിവാഹം നടന്നിരുന്നു എന്നതാണ്!

വിവാഹത്തിനു ശേഷം ഉടന്‍ തന്നെ കുവൈറ്റിലേക്ക് പോകണമെന്നും അതിന്‍റെ വിസ ശരിയാക്കുന്നതിനായി എത്രയും വേഗം വിവാഹം രജിസ്റ്റര്‍ ചെയ്തതിന്‍റെ രേഖകള്‍ വേണമെന്നും നിശാലിന്‍റെ വീട്ടുകാര്‍ കാവ്യയോട് ആവശ്യപ്പെട്ടത്രേ. ഈ ആവശ്യം ന്യായമാണെന്ന് തോന്നിയ കാവ്യയുടെ കുടുംബം ഇരുവരുടെയും രജിസ്റ്റര്‍ വിവാഹം നേരത്തേ നടത്തുകയായിരുന്നു. നിശാലിനെക്കുറിച്ചുള്ള കൂടുതല്‍ കാര്യങ്ങള്‍ കാവ്യയുടെ വീട്ടുകാര്‍ അറിഞ്ഞപ്പോഴേക്കും വൈകിയിരുന്നു. രജിസ്റ്റര്‍ വിവാഹം കഴിഞ്ഞതിനാല്‍ പിന്നീട് ബന്ധത്തില്‍ നിന്നും പിന്‍‌മാറാന്‍ കഴിയാത്ത അവസ്ഥ ഉണ്ടായി.

വിവാഹമോചനം വേണമെന്ന ആവശ്യത്തില്‍ തന്നെ കാവ്യാ മാധവനും കുടുംബവും ഉറച്ചു നില്‍ക്കുകയാണെന്നാണ് സൂചന. വിവാഹമോചനത്തോട് നിശാലിനും എതിര്‍പ്പില്ലെന്നാണ് അറിയുന്നത്. അനുബന്ധ വാര്‍ത്തകള്‍ നിങ്ങളെ ഉപേക്ഷിക്കാന്‍ വയ്യ: കാവ്യ മല്ലിക ഷെറാവത്തിന്‌ എത്ര വയസായി? മോഹന്‍ലാല്‍ വീണ്ടും ഗായകനായി വരുന്നു, രജനിയുടെ ‘അരസന്‍’ ‘ഭാര്യ ഒരു സുഹൃത്തു’മായി വേണു ഇതിനെക്കുറിച്ച് കൂടുതല്‍ വായിക്കുക : കാവ്യാ മാധവന് വിവാഹ മോചനം നിശാല് ചന്ദ്ര കാവ്യ ദിലീപ് മീശമാധവന്