മലയാള മനസ്സില്‍ കൊന്നപ്പൂക്കാലം

കൊന്നപ്പൂവിന്‍റെ ചരിത്രം

വിഷുവിന് ഒഴിച്ചുകൂടാനാവാത്ത ഒന്നാണല്ലൊ കൊന്നപ്പൂവ്. സ്വര്‍ണ്ണ നിറം പൂശി കുണുങ്ങി നില്‍ക്കുന്ന ഈ പൂക്കള്‍ ആരെയാണ് ആകര്‍ഷിക്കാത്തത്? എന്നാല്‍ ഈ കൊന്നപ്പൂവിനുമുണ്ട് ഒരു കഥ പറയാന്‍. അതെന്താണെന്നറിയണ്ടെ?

ഒരിടത്ത് ഒരു ബ്രാഹ്മണ ഉണ്ണിയുണ്ടായിരുന്നു. അമ്മ എല്ലാ ദിവസവും ഉണ്ണിക്ക് അമ്പാടിയിലെ ഉണ്ണിക്കണ്ണനെക്കുറിച്ചുള്ള കഥകള്‍ പറഞ്ഞുകൊടുക്കും. ഈ കഥകള്‍ കേട്ട ഉണ്ണിക്ക് കണ്ണനെ കാണാന്‍ കലശലായ ആഗ്രഹം തോന്നി. എന്നും തൊട്ടടുത്തുള്ള ശ്രീകൃഷ്ണ ക്ഷേത്രത്തില്‍ ചെന്ന് ഉണ്ണി കണ്ണനെ വിളിക്കും. എന്നും തന്നെ വിളിക്കുന്ന ഉണ്ണിയുടെ കാര്യമോര്‍ത്തപ്പോള്‍ ശ്രീകൃഷ്ണന്‍റെ മനസ്സലിഞ്ഞു.

ഒരു ദിവസം ശ്രീകൃഷ്ണന്‍ അമ്പാടി കണ്ണന്‍റെ വേഷത്തില്‍ ഉണ്ണിയുടെ മുമ്പില്‍ പ്രത്യേക്ഷപ്പെട്ടു. ഉണ്ണി ഓടിവന്ന് കണ്ണനെ കെട്ടിപ്പിടിച്ചു. ഉണ്ണിയുടെ നിഷ്കളങ്കമായ സ്നേഹത്തില്‍ സന്തോഷവാനായ കണ്ണന്‍ തന്‍റെ അരയിലുണ്ടായിരുന്ന അരഞ്ഞാണം ഊരിയെടുത്ത് ഉണ്ണിക്ക് നല്‍കി. ശ്രീകൃഷ്ണന്‍ അപ്രത്യക്ഷനായതോടെ ഉണ്ണി അരഞ്ഞാണവുമായി വീട്ടിലേക്ക് പോയി.

WEBDUNIA|

പിറ്റേ ദിവസം പൂജാരി ക്ഷേത്രനട തുറന്നപ്പോള്‍ വിഗ്രഹത്തിലെ പൊന്നരഞ്ഞാണം കാണാനില്ല. കൃഷ്ണ വിഗ്രഹത്തിലെ മാല മോഷണം പോയ കാര്യം നാട്ടിലാകെ പാട്ടായി. അതിനിടെ ചിലര്‍ ഈ അരഞ്ഞാണം നമ്മുടെ ഉണ്ണിയുടെ കയ്യിലുണ്ടെന്ന് മനസ്സിലാക്കി. തന്‍റെ മകന്‍ കള്ളനാണെന്ന് കരുതിയ ഉണ്ണിയുടെ അമ്മ അവനെ വഴക്കുപറയുകയും തല്ലുകയും അരഞ്ഞാണം വാങ്ങി ദൂരെയെറിയുകയും ചെയ്തു. അരഞ്ഞാണം ഒരു മരത്തില്‍ കുരുങ്ങുകയും സ്വര്‍ണ്ണ നിറമുള്ള പൂക്കളായി തീരുകയും ചെയ്തത്രെ.

ഇതിനെക്കുറിച്ച് കൂടുതല്‍ വായിക്കുക :

വിഷു മലയാളം മലയാളി പുതുവര്ഷം