ഞായര്‍, 28 ഏപ്രില്‍ 2024
  1. മറ്റുള്ളവ
    2. »
  2. വെബ്‌ദുനിയ സ്പെഷല്‍
    3. »
  3. വാലന്‍റൈന്‍ ദിനം

അല്പം വാലന്‍റൈന്‍ സ്വകാര്യം..

പി എസ് അഭയന്‍

PROPRO
സെപ്തംബര്‍ മൂന്നാമത്തെ ശനിയും വെള്ളിയുമാണ് കൊളംബിയയില്‍ പ്രണയികളുടെ ദിനം. ക്രിസ്മസുമായി ബന്ധപ്പെട്ട സാന്താക്ലോസിന്‍റേതു പോലെ സമ്മാനം നല്‍കാന്‍ ഒരു രഹസ്യ കൂട്ടുകാരന്‍ എന്ന സങ്കല്‍പ്പം കൊളംബിയക്കാരും പിന്തുടരുന്നു. ഏഷ്യയിലും വാലന്‍റൈന്‍ ദിനവുമായി ബന്ധപ്പെട്ട് ഒട്ടേറെ വിശ്വാസങ്ങള്‍ പിന്തുടരുന്നുണ്ട്.

വാലന്‍റൈന്‍ദിനം ജപ്പാനിലും കൊറിയയിലും പ്രണയിനികളുടെ ദിനമാണ്. സഹപ്രവര്‍ത്തകരിലെയും കൂട്ടുകാരിലെയും പ്രിയപ്പെട്ടവര്‍ക്ക് പെണ്‍കുട്ടികള്‍ പ്രണയം അറിയിക്കാന്‍ ചോക്ലേറ്റുകളും പൂക്കളും സമ്മാനങ്ങളും നല്‍കും. ജപ്പാന്‍ വനിതകള്‍ വാലന്‍റൈന്‍സ് ദിനത്തിന്‍റെ ‘ഗിരി ചോക്കോ’ നല്‍കുന്നു. ഗിരി എന്നാല്‍ ‘കടപ്പാട്’ എന്നും ചോക്കോ എന്നാല്‍ ‘ചോക്ലേറ്റ്’ എന്നും അര്‍ത്ഥം. പുറമേ ഹോന്‍ മെയി ചോക്കോയും ടോമോ ചോക്കോയും ജപ്പാന്‍‌കാര്‍ പിന്തുടരുന്നുണ്ട്.

ഹോന്‍ മെയി ഏറ്റവും പ്രിയപ്പെട്ടവര്‍ക്ക് നല്‍കുന്നതാണ്. ടോമോ പ്രിയപ്പെട്ട സുഹൃത്തിനും നല്‍കും. വാലന്‍റൈന്‍സ് സമ്മാനങ്ങള്‍ക്ക് ഒരു പകരദിനം കൂടി ജപ്പാനിലുണ്ട്. ‘വെളുത്ത ദിനം’ വാലന്‍റൈന്‍സ് ദിനത്തില്‍ ചോക്ലേറ്റ് ലഭിച്ചവരില്‍ പ്രണയമുള്ളവര്‍ ഇഷ്ടം സൂചിപ്പിക്കാന്‍ സമ്മാനം പകരം നല്‍കുന്ന ദിനമാണിത്. പക്ഷേ ഈ ദിനം പുരുഷകേസരികള്‍ക്ക് അല്‍പ്പം വിലയേറിയതാണെന്നു മാത്രം. രത്നങ്ങള്‍ പോലെ വില പിടിച്ച സമ്മാനമണ് നല്‍കേണ്ടി വരിക.

ദക്ഷിണ കൊറിയയിലും സമാനമായ ആഘോഷമാണ്. നവംബര്‍ 11 ആണ് കാമുകീകാമുകന്‍‌മാരുടെ ദിനം. ഇവര്‍ക്ക് ഒപ്പം ഒരു ‘കറുത്തദിനം’ കൂടി ഉണ്ട്. ഏപ്രില്‍ 14 ന്. ചൈനീസ് പാരമ്പര്യത്തില്‍ ‘എഴാം രാത്രി’യെന്നാണ് വാലന്‍റൈന്‍സ് ദിന സങ്കല്‍‌പ്പത്തിനു പേര്. ലൂണാര്‍ കലണ്ടര്‍ പ്രകാരം ഏഴാം മാസത്തിന്‍റെ ഏഴാം ദിവസം പുരാണനായകന്‍ കോഹാഡും വധു വീവറും സ്വര്‍ഗ്ഗത്തില്‍ കണ്ടുമുട്ടുന്നെന്ന് കരുതുന്നു. ചെറിയ വ്യത്യാസത്തോട് കൂടി സോളാര്‍ കലണ്ടര്‍ പ്രകാരം ജപ്പാനില്‍ ഈ ആഘോഷം ജൂലയ് ഏഴിനാണ് വരുന്നത്.

WEBDUNIA|
പേര്‍ഷ്യന്‍ സംസ്ക്കാരത്തില്‍ സെപ്പാണ്ടര്‍ മസ്ഗാനാണ് പ്രണയികളുടെ ദിനം. ജലാലി സോളാര്‍ കലണ്ടര്‍ പ്രകാരം 29 ബെഹാമനിലാണ് ആഘൊഷിക്കുന്നത്. ജോര്‍ജിയന്‍ കലണ്ടറില്‍ ഇതിനു സമാനമായ ദിനം ഫെബ്രുവരി 17 ന് ആണ്. സര്‍ക്കാരിന്‍റെ ചില നിയന്ത്രണങ്ങള്‍ക്ക് വിധേയമായിട്ടാണ് ഈ ദിനം ആഘോഷിക്കുന്നത് ഈ ദിനത്തില്‍ പേര്‍ഷ്യന്‍ യുവതിയുവാക്കള്‍ സമ്മാനം വാങ്ങുകയും കൊടുക്കുകയും പുറത്തു പോകുകയും ചെയ്യുന്നു.


ഇതിനെക്കുറിച്ച് കൂടുതല്‍ വായിക്കുക :