യുട്യൂബ് പ്രേക്ഷകരെ കാണിയ്ക്കാൻ 2.4 കോടിയുടെ മെഴ്സിഡസ് കാർ കത്തിച്ച് വ്ലോഗർ, വീഡിയോ !

വെബ്ദുനിയ ലേഖകൻ| Last Modified വെള്ളി, 30 ഒക്‌ടോബര്‍ 2020 (10:44 IST)
യുട്യൂബ് പ്രേക്ഷകരെ കണിയ്ക്കുന്നതിനായി 2.4 കോടിയോളം വിലമതിയ്കുന്ന തന്റെ മെഴ്സിസഡ് കാർ കത്തിച്ച് റഷ്യൻ വ്ലോഗർ. മിഖായേൽ ലിറ്റ്വിൻ എന്ന വ്ലോഗറാണ് ഇത്തരം ഒരു സാഹസം കാട്ടിയത്. മെഴ്‌സിഡസ് എഎംജി ജിടി 63 എസ് കാർ വിശാലമായ വയലിലേയ്ക്ക് ഒടിച്ചുകൊണ്ടുവന്ന ശേഷം ഇന്ധനമൊഴിച്ച് കത്തിയ്ക്കുകയയിരുന്നു. ശേഷം ഇതിന്റെ വീഡിയോ യുട്യൂബിലൂടെ പ്രേക്ഷകർക്ക് മുൻപിൽ എത്തിച്ചു.

പുതിയ വാഹനമായിട്ടും തുടർച്ചയായി വാഹനം ബ്രേയ്ക്ക്ഡൗൺ ആകുന്നത് ഇയാളെ അസ്വസ്ഥനാക്കിയിരുന്നു. ആറാം തവണയും വാഹനം ബ്രേക്ക്ഡൗൺ ആയതോടെ ഡിലർഷിപ്പിൽ വിളിച്ചപ്പോൾ ആരും ഫോണെടുക്കാതെ വന്നതോടെ വാഹനം കത്തിയ്ക്കാൻ ഇയാൾ തീരുമാനിയ്ക്കുകയായിരുന്നു എന്ന് മോട്ടോർ1.കോം റിപ്പോർട്ട് ചെയ്യുന്നു. വാഹനം കത്തുമ്പോഴു ഒരു കൂസലുമില്ലാതെ എന്തോ കഴിച്ചുകൊണ്ടിരിയ്ക്കുന്ന മിഖായേൽ ലിറ്റ്വിനെ വിഡിയോയിൽ കാണാം. പിന്നീട് ഒരു പഴയ കാറിൽ ഇവിടെ നിന്നും മടങ്ങുന്നതും വീഡിയോയിലുണ്ട്. 50 ലക്ഷത്തിലധികം ഫോളോവേഴ്സ് ഉണ്ട്. ഇയാളുടെ ചാനലിന്. ഒരു കോടിയിലധികം ആളുകൾ യൂട്യൂബിൽ ഈ വീഡിയോ കണ്ടുകഴിഞ്ഞു.



ഇതിനെക്കുറിച്ച് കൂടുതല്‍ വായിക്കുക :