സ്വാതന്ത്ര്യദിന സന്ദേശം നല്‍കാനായി പ്രധാനമന്ത്രി നരേന്ദ്രമോദി ചെങ്കോട്ടയിലെത്തിയത് ടൊയോട്ടയുടെ എസ് യു വി മോഡലായ ലാന്‍ഡ് ക്രൂയിസറില്‍. രണ്ടാമതും പ്രധാനമന്ത്രിയായ ശേഷം മോദിയുടെ യാത്രകള്‍ ലാന്‍ഡ് റോവര്‍ വോഗിലായിരുന്നു. എന്നാല്‍ സ്വാതന്ത്ര്യദിനത്തില്‍ ആ പതിവ് മാറി.

ഔദ്യോഗികപരിപാടികള്‍ക്ക് ലാന്‍ഡ് ക്രൂയിസറില്‍ നരേന്ദ്രമോദി എത്തുന്നത് ഇതാദ്യമായാണ്. നേരത്തേ അഹമ്മദാബാദിലൂടെയുള്ള യാത്രകള്‍ക്ക് മോദി ഉപയോഗിച്ചിരുന്നത് ലാന്‍ഡ് ക്രൂയിസറായിരുന്നു.

ഏറെ സുരക്ഷാ സൌകര്യങ്ങളുള്ള ലാന്‍ഡ് ക്രൂയിസര്‍ ടൊയോട്ടയുടെ ഏറ്റവും വിലകൂടിയ വാഹനങ്ങളിലൊന്നാണ്. ഈ കരുത്തുറ്റ വണ്ടിക്ക് 4.5 ലിറ്റര്‍ വി8 എന്‍‌ജിനാണുള്ളത്. 262 പി എസ് പവറും 650 എന്‍ എം ടോര്‍ക്കുമുണ്ട്.

ആദ്യം പ്രധാനമന്ത്രിയായ ശേഷം നടന്ന സ്വാതന്ത്ര്യദിനച്ചടങ്ങില്‍ നരേന്ദ്രമോദിയുടെ യാത്ര ബി എം ഡബ്ലിയു 7 സീരീസിലായിരുന്നു.