എ സി കാറിനകത്ത് ഒറിജിനൽ ഗംഭീർ, പിന്നിൽ വെയിലേറ്റ് വോട്ട് ചോദിച്ച് ഡ്യൂപ്ലിക്കേറ്റ്; ബിജെപിയുടെ നാണം‌കെട്ട കളി ഇങ്ങനെ

Last Updated: വെള്ളി, 10 മെയ് 2019 (18:59 IST)
ബിജെപി സ്ഥാനാര്‍ത്ഥിയും ക്രിക്കറ്റ് താരവുമായ ഗൗതം ഗംഭീര്‍ ഡ്യൂപ്ലിക്കേറ്റിന് തുറന്ന വാഹനത്തില്‍ നിര്‍ത്തി പ്രചരണം നടത്തുന്നതായി ആംആദ്മി പാര്‍ട്ടിയുടെ ആരോപണം. ഒറിജനൽ ഗംഭീർ എ സി കാറിനുള്ളിൽ ഇരുന്ന് സംസാരിക്കുകയും ഡ്യുപ്ലിക്കേറ്റ് ഗംഭീർ പിന്നിലെ ഓപ്പൺ വണ്ടിയിൽ പൊരിവെയിലത്ത് വോട്ട് ചോദിക്കുകയും ചെയ്യുന്ന വീഡിയോ ആണ് പുറത്തുവന്നത്.

ആംആദ്മി നേതാവും ഡല്‍ഹി ഉപമുഖ്യമന്ത്രിയുമായ മനീഷ് സിസോദിയ ഗംഭീറിനെ പരിഹസിച്ച് ട്വീറ്റും ചെയ്തു. ഗംതം ഗംഭീര്‍ എ സി കാറില്‍ ഇരിക്കുന്നു. അദ്ദേഹത്തിന് കടുത്ത ചൂട് പ്രശ്‌നമായിരിക്കാം. അദ്ദേഹത്തിന്റെ സ്ഥാനത്ത് തൊപ്പി ധരിച്ച് ഡ്യൂപ്‌ളിക്കേറ്റ് നില്‍ക്കുന്നു. - ആം ആദ്മി കുറിച്ചു.

ട്വിറ്ററില്‍ ഡ്യൂപ്‌ളിക്കേറ്റിനെ വച്ചുള്ള പ്രചരണത്തെച്ചൊല്ലി വാക്‌പോര് തുടരുകയാണ്. യഥാര്‍ത്ഥ ഗംഭീര്‍ മുന്‍സീറ്റിലാണെന്ന് അറിയുന്നത് കൊണ്ടല്ലേ ആളുകള്‍ സെല്‍ഫിയും ഫോട്ടോയും എടുക്കുന്നതെന്ന് എന്നാണ് ബിജെപി അനുഭാവികളുടെ മറുവാദം. ബിജെപിയും ഗംഭീറും ഈ ആരോപണത്തോട് പ്രതികരിച്ചിട്ടില്ല.



ഇതിനെക്കുറിച്ച് കൂടുതല്‍ വായിക്കുക :