വ്യോമസേന വിങ് കമാൻഡർ അഭിനന്ദൻ വർധമാന് സമർപ്പിച്ച് അമൂലിന്റെ പുതിയ പരസ്യം. അഭിനന്ദന്റെ തിരിച്ചുവരവ് ആഘോഷമാക്കി, അമൂൽ പെൺകുട്ടി കഥാപാത്രമായുളള കാർട്ടൂൺ പുറത്തിറക്കിയതിനു പിന്നാലെയാണ് വീഡിയോ പരസ്യവും
റിലീസ് ചെയ്തിരിക്കുന്നത്. അഭിനന്ദിന്റെ കപ്പട മീശയാണ് അമൂൽ പരസ്യത്തിന്റെ പ്രമേയമാക്കിയിരിക്കുന്നത്. മീശ ഓരോരുത്തരിലുണ്ടാക്കുന്ന ഭാവവ്യത്യാസങ്ങളാണ് അമൂലിന്റെ പരസ്യത്തിലുളളത്. പാൽ കുടിക്കുമ്പോൾ പെൺകുട്ടിയുടെ മുഖത്തു രൂപപ്പെടുന്ന മീശയോടു കൂടെയാണ് പരസ്യം അവസാനിക്കുന്നത്.

ട്വിറ്ററിൽ പങ്കു വച്ച പരസ്യത്തിൽ നിരവധിയാളുകളാണ് റീട്വീറ്റ് ചെയ്തിരിക്കുന്നത്. കപ്പടാ മീശയോടു കൂടെയുളള പരസ്യം പുറത്തുവന്നതോടു കൂടെ ഇനി ഈ മീശയും ട്രൻഡ് ആകുമെന്നാണ് ഏവരും കരുതുന്നത്.

കഴിഞ്ഞ ബുധനാഴ്‌ചയാണ് പാക്​ വ്യോമസേന നടത്തിയ ആക്രമണം തടയുന്നതിനിടെയാണ്​വിങ്​കമാൻഡർ അഭിനന്ദൻ വർധമാൻ ഉൾപ്പെട്ട മിഗ് ​21 വിമാനം പാക്​സൈന്യം വെടിവെച്ച്​ വീഴ്ത്തിയത്​. തകർന്ന വിമാനത്തിൽ നിന്ന്​ സുരക്ഷിതനായി ഇറങ്ങിയെങ്കിലും അഭിനന്ദൻ പാക് സൈന്യത്തിന്‍റെ പിടിയിലാവുകയായിരുന്നു.