വീഴ്ചകളില്‍ നിന്നും പാഠം പഠിച്ച് വിപണി പിടിക്കാന്‍ നോക്കിയയെത്തുന്നു. കഴിഞ്ഞ മാസം നോക്കിയ പ്രഖ്യാപിച്ച വിന്‍ഡോസ് ഫോണ്‍ 8ല്‍ പ്രവര്‍ത്തിക്കുന്ന സ്മാര്‍ട്ട്‌ഫോണായ ലൂമിയ 720 ഏപ്രില്‍ അവസാനവാരം ഇന്ത്യന്‍ ഉപഭോക്താക്കളുടെ കൈകളിലെത്തുമെന്നാണ് സൂചന.
വെള്ള, കറുപ്പ്, മഞ്ഞ, സിയാന്‍, ചുവപ്പ് നിറങ്ങളിലാണ് ഈ 4.3 ഇഞ്ച് വിന്‍ഡോസ് ഫോണ്‍ ലഭിക്കുക. വയര്‍ലെസ്സായി ചാര്‍ജ് ചെയ്യാം എന്നതാണ് ഏറ്റവും വലിയ സവിശേഷത. ഈ വിലപരിധിയിലുള്ള വേറെ ഒരു സ്മാര്‍ട്ട്‌ഫോണിലും വയര്‍ലെസ്സ് ചാര്‍ജിങ് സങ്കേതം ഇല്ല.
6.7 മെഗാപിക്‌സല്‍ പിന്‍ക്യാമറയാണ് ഏറ്റവും വലിയ പ്രത്യേകത. കാള്‍ സീസ് ലെന്‍സാണ്. എല്‍ഇഡിഫ് ളാഷുമുണ്ട്. താരതമ്യേന വിസ്താരമേറിയ അപ്പെര്‍ച്ചര്‍, വീഡിയോ കോളിംഗിനായി 13 എംപി മുന്‍ക്യാമറയുമുണ്ട്. കോര്‍ണിങ് ഗൊറില്ല ഗ്ലാസ് 2 വിന്റെ ഡിസ്പേയാണ്.
1 ജിഎച്ച്ഇസഡ് ഡ്യുവല്‍ കോര്‍ ക്വാല്‍കൊം സ്‌നാപ്പ്ഡ്രാഗണ്‍ പ്രൊസസര്‍ കരുത്തു പകരുന്ന ഫോണിന് 512 എംബി റാം ഉണ്ട്. 3ജി, വൈഫൈ, ബ്ലൂടൂത്ത്, ജിപിഎസ്, എന്‍എഫ്‌സി തുടങ്ങിയവയൊക്കെ ലൂമിയ 720 യിലുണ്ട്. ഫോണിന്റെ കനം 9 മില്ലീമീറ്ററും, ഭാരം 129 ഗ്രാമുമാണ്.
2000 എംഎഎച്ച് ബാറ്ററിയാണ് ലൂമിയ 720 ന് ത്രിജിയില്‍ 13 മണിക്കൂറും, ടുജിയില്‍ 23 മണിക്കൂറും ടോക്ക്‌ടൈമാണ് നോക്കിയ വാഗ്ദാനം ചെയ്യുന്നത്. ത്രിജി സ്റ്റാന്‍ഡ്‌ബൈ സമയം 520 മണിക്കൂറും.
