കുറഞ്ഞ വിലക്ക് മികച്ച സ്മാർട്ട്ഫോണുകൾ വിപണിയിൽ എത്തിച്ചാണ് ഷവോമി ഇന്ത്യൻ സ്മാർട്ട്ഫോൺ വിപണി കീഴടക്കിയത്. രാജ്യത്ത് ഏറ്റവും അധികം വിൽക്കപ്പെട്ട സ്മാർട്ട്ഫോൺ ഷവോമിയാണ്. എന്നാൽ ഷവോമിയുടെ തന്ത്രം പിന്തുടർന്നുകൊണ്ട് എക്കണോമി സ്മാർട്ട്ഫോണുകളെ സാംസങ് ഇന്ത്യൻ വിപണിയിൽ എത്തിച്ചിരിക്കുകയാണ്. ഇതോടെ തങ്ങളുടെ ഫോണുകൾക്ക് വീണ്ടും വില കുറച്ച് ഷവോമി കരുത്ത് കാട്ടുകയാണ്.

സാംസങ്ങ് ഗ്യാലക്സി എം 10, എം 20 എന്നീ എക്കണോമി സ്മാർട്ട്ഫോണുകളെ ദിവസങ്ങൾക്ക് മുൻപാണ് സാംസങ് ഇന്ത്യൻ വിപണിയിൽ വിൽപ്പനക്കെത്തിച്ചത്. ഇതോടെ റെഡിമി 6 റേഡ്മി 6എ റെഡ്മി 6 പ്രോ എന്നീ മോഡലുകളുടെ വില ഷവോമി കുറക്കുകയായിരുന്നു. ഇന്ത്യൻ വിപണിൽ ആധിപത്യം നിലനിർത്തുന്നതിന്റെ ഭാഗമായാണ് ഷവോമിയുയ്യെ നടപടി
നടപടി.

2500 രൂപവരെയാണ് സ്മാർട്ട്ഫോണുകളുടെ വിലയിൽ ഷവോമി കുറവ് വരുത്തിയിരിക്കുന്നത്. 7999 രൂ‍പ വിലയുണ്ടായിരുന്ന റെഡ്മി 6 എക്ക് ഇനി 6499 രൂപ നൽകിയാൽ മതി. റെഡ്മി 6ന്റെ വില 10499 രൂപയിൽ നിന്നും 2000 രൂപ കുറച്ച് 8499 രൂപയാക്കി. 4 ജി ബി റാം 64 ജി ബി സ്റ്റോറേജ് കപ്പാസിറ്റിയുള്ള റെഡ്മി 6 പ്രോയ്ക്ക് 2500 രൂപയാണ് കുറവുവരുത്തിയിരിക്കുന്നത്. 10999 രൂപക്ക് റെഡ്മി 6 പ്രോ ഇപ്പോൾ വാങ്ങാനാകും.