കോംപാക്ട് എസ്‌യുവി നെക്സണിന്റെ ഇലക്ട്രിക് പതിപ്പിനെ വിപണിയിൽ അവതരിപ്പിക്കാൻ ടാറ്റ. ഈ മാസം പതിനേഴിനാണ് വാഹനത്തെ ടാറ്റ ഇന്ത്യൻ വിപണിയിൽ അവതരിപ്പിക്കുക. തൊട്ടടുത്ത മാസങ്ങളിൽ തന്നെ നെക്സൺ ഇവി വിപണിയിൽ വിൽപ്പനക്കെത്തുകയും ചെയ്യും. ടാറ്റ സിപ്ട്രോൺ സാങ്കേതികവൊദ്യയിൽ ഒരുക്കിയ വഹനങ്ങളിൽ ഒന്നാണ് നെക്സൺ ഇവി. 15 ലക്ഷം മുതൽ 17 ലക്ഷം വരെയാണ് വാഹനത്തിന് ഇന്ത്യൻ വിപണിയിൽ പ്രതീക്ഷിക്കപ്പെടുന്ന വില.

മുംബൈ, താനെ, നവി മുംബൈ, പുനെ, ബെംഗളൂരു, അഹമ്മദബാദ്, ന്യൂഡൽഹി, കൊൽക്കത്ത, ചെന്നൈ എന്നീ നഗരങ്ങളിലായിരിക്കും ആദ്യ ഘട്ടത്തിൽ നെക്സൺ ഇവിയെ ടാറ്റ വിൽപ്പനക്കെത്തിക്കുക. ഈ നഗരങ്ങളിലെ ഡീലർഷിപ്പുകളിൽ വാഹനം ചാർജ് ചെയ്യുന്നതിനാവശ്യമായ സംവിധാനങ്ങളും ഒരുക്കും. പരിഷ്കരിച്ച നെക്സണിനെ അടിസ്ഥാനപ്പെടുത്തിയാണ് നെക്സൺ ഇവിക് ടാറ്റ രൂപം നൽകിയിരിക്കുന്നത്. ഗ്രില്ലിനും ഹെഡ്‌ലാമ്പിനും, ബംബറിനുമെല്ലാം നെക്സൺ ഇവിയിൽ മാറ്റങ്ങൾ വരുത്തിയിട്ടുണ്ട്.

വാഹനത്തിന്റെ ബാറ്ററിക്കും മോട്ടോറിനും എട്ട് വർഷത്തെ വാറണ്ടിയാണ് കമ്പനി വാഗ്ദാനം നൽകുന്നത്. ഐപി 67 നിലവാരത്തിലുള്ള ബാറ്ററിയാണ് നെക്സൺ ഇവിയിൽ ഒരുക്കിയിരിക്കുന്നത്. ഹൈ വോൾട്ടേജ് സംവിധാനവും, അതിവേഗ ചാർജിംഗ് ടെക്‌നോളജിയും വാഹനത്തിൽ സജ്ജീകരിച്ചിട്ടുണ്ട്. പത്ത് ലക്ഷത്തൊളം കിലോമീറ്ററുകൾ പരീക്ഷണ ഓട്ടം നടത്തി മികവ് തെളിയിച്ച ശേഷമാണ് സിപ്ട്രോൺ സാങ്കേതികവിദ്യയെ ടാറ്റ വാഹനങ്ങളിലേക്ക് സന്നിവേഷിപ്പിച്ചിരിക്കുന്നത്. വാഹനം ഇന്ത്യൻ വിപണിയിൽ മികച്ച നേട്ടം സ്വന്തമാക്കും എന്നാണ് ടാറ്റ. കണക്കുകൂട്ടുന്നത്.