മെഴ്സിഡീസ് ബെൻസിന്റെ ഏറ്റവും പുതിയ കൂപ്പെ ‘എഎംജി സി43 4മാറ്റിക്’ വിപണിയിലെത്തി. 43എഎംജി വിഭാഗത്തിൽ ഇക്കൊല്ലം പുറത്തിറങ്ങിയ മൂന്നാമത്തെ വാഹനമാണ് ഇത്. 74.35 ലക്ഷം രൂപയാണ് ഡൽഹി ഷോറൂമിലെ വില.

മെഴ്സിഡീസ് സി ക്ലാസ് വാഹന നിരയ്ക്കുതന്നെ കരുത്തേകുന്നതാണ് അതേ പ്ലാറ്റ്ഫോമിലുള്ള ഈ പെർഫോമൻസ് കാർ.കംഫർട്ട്, ഇക്കോ, സ്പോർട്ട്, സ്പോർട്ട്+, ഇൻഡിവിജ്വൽ എന്നിങ്ങനെ അഞ്ച് വ്യത്യസ്ത ഡ്രൈവിങ് മോഡുകളാണ് ഈ വാഹനത്തിലുള്ളത്. 9ജി ട്രോണിക് ഓട്ടമാറ്റിക് ട്രാൻസ്മിഷനാണ് എഎംജി സി43യിലുള്ളത്.