അനുബന്ധ വാര്ത്തകള്
- ഹീറോ മോട്ടോ കോർപ്പിന്റെ പുതിയ ബ്രാൻഡ് അംബാസഡറായി വിരാട് കോഹ്ലി
- അതിവേഗ ഇന്റർനെറ്റ് വിദൂര ഗ്രാമങ്ങളിലേക്ക്; ജിയോ ഐ എസ് ആർ ഒയുമായി കൈകോർക്കുന്നു
- ആദ്യ വിൽപനയിൽ ചൂടപ്പംപോലെ വിറ്റുതീർന്ന് ഷവോമിയുടെ എം ഐ 6 പ്രോ
- മറ്റൊരാളുടെ അക്കൌണ്ടിലേക്ക് പണം നിക്ഷേപിക്കേണ്ട; എസ് ബി ഐ പുതിയ തീരുമാനത്തിനൊരുങ്ങുന്നതായി റിപ്പോർട്ട്
- മികച്ച ഫീച്ചറുകളുമായി മോട്ടോ ജി6 പ്ലസ് ഇന്ത്യൻ വിപണിയിൽ
ഓൺലൈൻ ഫർണിച്ചർ വിപണിയിൽ നേട്ടം കൊയ്യാൻ ഫ്ലിപ്കാർട്ട്; പുതിയ ബ്രാൻഡ് ‘പ്യുവർ വുഡ്‘ ആമസോണിനോട് ഏറ്റുമുട്ടാനൊരുങ്ങുന്നു
ഫ്ലിപ്കർട്ട് ഫർണിച്ചറുകൾക്കായി പ്യുവർ വുഡ് എന്ന പേരിൽ പുതിയ ബ്രാൻഡ് അവതരിപ്പിച്ചു. ഓൺലൈൻ ഫർണിച്ചർ വിപണിയിൽ കൂടുതൽ നേട്ടം സ്വന്തമാക്കുക എന്ന ലക്ഷ്യത്തോടെയാണ് ഫ്ലിപ്കാർട്ട് പുതിയ ബ്രാൻഡിനെ അവതരിപ്പിച്ചിരിക്കുന്നത്. വിപണിയിൽ ആമസോണിനോടുള്ള മത്സരം കൂടുതൽ ശക്തമാക്കുന്നതിന്റെ ഭാഗംകൂടിയാണിത്.
അർബൺ ലാഡർ, പെപ്പർ ഫ്രൈ എന്നീ കമ്പനികളും ഇന്ത്യയിൽ ഓൺലൈൽ ഫർണിച്ചർ വിപണിയിൽ സജീവമാണ്. ഇന്ത്യൻ ഫർണിച്ചർ വിപണിയുടെ 10 മുതൽ 15 ശതമാനം വരെ മാത്രമാണ് നിലവിൽ ഓൺലൈനായി നടക്കുന്നുള്ളു. ഈ രംഗത്ത് ഭാവിയിലുണ്ടാകാവുന്ന അവസരം കൂടുതൽ ഉപയോഗപ്പെടുത്താനാണ് കമ്പനി ലക്ഷ്യമിടുന്നത്.
പെർഫെക്റ്റ് ഹോംസ് എന്ന ഫ്ലിപ്കാർട്ടിന്റെ സ്വകാര്യ ലേബലിലാണ് പുതിയ ബ്രാഡിനെ അവതരിപ്പിച്ചിരിക്കുന്നത്. ഫർണിച്ചറുകൾ ലഭ്യമാക്കുന്നതിനായി വിവിധ ഇടങ്ങളിലെ ഫർണിച്ചർ നിർമ്മാണ ശലകളുമായി കമ്പനി പങ്കാളിത്തം സ്ഥാപിച്ചിട്ടുണ്ട്. ആമേര്, മെഹ്രാന്ഗഢ്, നഹര്ഗഢ്, ജയ്സല്മേര് എന്നീ വ്യത്യസ്ത കളക്ഷനുകളായാണ് ഫ്ലിപ്കാർട്ടിൽ ഫർണിച്ചറുകൾ ലഭ്യമാക്കുക.
നേരത്തെ യൂസ്ഡ് പ്രൊഡക്സിന്റെ വിപണി സാധ്യത കണക്കിലെടുത്ത്. പുതിയ വെബ്സൈറ്റിന് ഫ്ലിപ്കാർട്ട് തുടക്കം കുറിച്ചിരുന്നു. സെക്കൻഡ് ഹൻഡ് ഉത്പന്നങ്ങൾ കുറഞ്ഞ വിലക്ക് ഉപഭോക്താക്കളിൽ എത്തിക്കുന്ന വെബ്സൈറ്റിൽ ആദ്യ ഘട്ടത്തിൽ മൊബൈൽ ഫോണുകളും ആക്സസറീസുമാണ് ലഭ്യമാക്കിയിട്ടുള്ളത്.
