സജിത്ത്|
Last Updated:
ശനി, 11 ഫെബ്രുവരി 2017 (09:46 IST)
ആപ്പിള്‍ ഐഫോണ്‍ 6 സ്വന്തമാക്കാന്‍ ആഗ്രഹിക്കുന്നവരാണോ നിങ്ങള്‍ ? എങ്കില്‍ ഇതാ ഫ്ലിപ്കാര്‍ട്ട് നിങ്ങള്‍ക്കൊരു സുവര്‍ണാവസരം ഏര്‍പ്പെടുത്തിയിരിക്കുന്നു. ഐഫോണ്‍ 6ന് 24,000രൂപ വരെയുള്ള ഡിസ്‌കൗണ്ടുമായാണ് ഫ്ലിപ്കാര്‍ട്ട് ഇപ്പോള്‍ രംഗത്തെത്തിയിരിക്കുന്നത്.
എക്‌സ്‌ചേഞ്ച് സ്കീമിലൂടെയാണ് ഇത്രയും വലിയ ഡിസ്കൌണ്ട് ഉപഭോക്താക്കള്‍ക്ക് ലഭ്യമാകുക. ഈ എക്‌സ്‌ചേഞ്ചിലൂടെ വെറും 3999രൂപയ്ക്ക് ഐഫോണ്‍ 6 ലഭ്യമാകുമെന്നതാണ് മറ്റൊരു പ്രത്യേകത. എക്‌സ്‌ചേഞ്ച് ചെയ്യുന്ന ഫോണ്‍ അനുസരിച്ചായിരിക്കും ഈ ഡിസ്‌കൗണ്ട് ലഭ്യമാകുകയെന്നും ഫ്ലിപ്കാര്‍ട്ട് അറിയിച്ചു.
അതോടൊപ്പം, ആക്‌സിസ് ബാങ്ക് ക്രെഡിറ്റ് കാര്‍ഡ് ഉപയോഗിച്ചുള്ള പര്‍ച്ചേസിനു 5% കാഷ് ബാക്കും ലഭിക്കും. ഐഫോണിന്റെ ഉയര്‍ന്ന ജനറേഷന്‍ മോഡലായ ഐഫോണ്‍ 6എസിനാണ് മാക്‌സിമം ഡിസ്‌കൗണ്ട് ലഭിക്കുക. അതായത് ഐഫോണ്‍ 6എസ് മാറ്റി ഐഫോണ്‍ 6വാങ്ങുകയാണെങ്കില്‍ മാത്രമാണ് ഈ ഓഫര്‍ ലഭ്യമാകുകയുള്ളൂ.
