പെലെയുടെ ഫുട്ബോള് സാഹിത്യം; വില ഒരു ലക്ഷം രൂപ; ഭാരം 15 കിലോ മാത്രം!
സാവോപോളോ|
WEBDUNIA|
PRO
PRO
ഫുട്ബോള് മാന്ത്രികന്‍ പെലെയുടെ പുതിയ പുസ്തകം പുറത്തിറങ്ങി. തന്റെ ഫുട്ബോള് ജീവിതത്തിന്റെ ഓര്‍മ്മകളാണ് പുസ്തകത്തില്‍. പക്ഷേ വില കേട്ടാല്‍ ഞെട്ടും.
1,700 ഡോളറാണ് (ഇന്ത്യന്‍ രൂപ 1,04,320) പുസ്തകത്തിന്റെ വില. ഭാരമാകട്ടെ പതിനഞ്ച് കിലോ. 500 പേജുകള്‍ ഉള്ള പുസ്തകത്തിന്റെ വളരെ കുറച്ച് കോപ്പികള്‍ മാത്രമാണ് വിപണിയില്‍ ഇറക്കിയിരിയ്ക്കുന്നത്. 1283 എന്നാണ് പുസ്തകത്തിന്റെ പേര്. രാജ്യാന്തര മത്സരങ്ങളില്‍ പെലെ 1283 ഗോളുകളാണ് നേടിയിട്ടുള്ളത്.
ഈ പുസ്തകം എന്റെ ഫുട്ബോള് ജീവിതത്തിലെ സഹയാത്രികര്‍ക്കും സുഹൃത്തുക്കള്‍ക്കും വേണ്ടിയുള്ളതാണ്. എന്നെ സ്നേഹിക്കുകയും സഹായിക്കുകയും ചെയ്തിട്ടുള്ള എല്ലാവര്‍ക്കും ഇത് സമര്‍പ്പിക്കുന്നു- പെലെ പറഞ്ഞു. പെലെയുടെ ഒപ്പോട് കൂടിയ ബുക്ക് കിട്ടണമെങ്കില്‍ 2600 ഡോളര്‍ (1,60,095 രൂപ) ചെലവാക്കേണ്ടിവരും.
