ന്യൂഡല്‍ഹി|
WEBDUNIA|
Last Modified വ്യാഴം, 25 ഏപ്രില്‍ 2013 (12:40 IST)
PRO
സ്വന്തം മണ്ണില്‍ അഭിമാനപ്പോരാട്ടത്തിനിറങ്ങിയ ലോക രണ്ടാം നമ്പര്‍ താരം സൈന നെഹ് വാള്‍ ഇന്ത്യന് ഓപ്പണ് ബാഡ്മിന്റണ് വനിതാ സിംഗിള്‍സിന്റെ രണ്ടാം റൗണ്ടിലെത്തി.
33 മിനിറ്റ് മാത്രം നീണ്ടുനിന്ന മത്സരത്തില്‍ സീഡില്ലാത്ത ഇന്തോനേഷ്യന്‍ താരം ബെലാട്രിക്‌സ് മനുപതിയെയാണ് സൈന പരാജയപ്പെടുത്തിയത്. സ്‌കോര്‍: 21-12, 21-15.
നേരിട്ടുള്ള സെറ്റുകള്‍ക്കായിരുന്നു മത്സരത്തില്‍ സൈനയുടെ വിജയം. പി വി സിദ്ധുവും ഓപ്പണിന്റെ രണ്ടാം റൗണ്ടില്‍ കടന്നു. ചൈനയുടെ യാവോ സൂയെയാണ് താരം പരാജയപ്പെടുത്തിയത്. ആദ്യ സെറ്റ് വിട്ടുകൊടുത്തെങ്കിലും പിന്നീടുള്ള 2 സെറ്റുകളില്‍ മത്സരത്തിലേക്ക് തിരിച്ചുവരുകയായിരുന്നു. സ്‌കോര്‍: 17-21, 21-18,21-14
