രേണുക വേണു|
Last Modified ശനി, 14 ജനുവരി 2023 (08:47 IST)
World Cup Hockey: ലോകകപ്പ് ഹോക്കിയില്‍ വിജയത്തോടെ തുടങ്ങി ഇന്ത്യ. ഗ്രൂപ്പ് ഘട്ടത്തിലെ ആദ്യ മത്സരത്തില്‍ സ്‌പെയിനെ എതിരില്ലാത്ത രണ്ടാ ഗോളുകള്‍ക്ക് ഇന്ത്യ തോല്‍പ്പിച്ചു. വാശിയേറിയ മത്സരത്തില്‍ ആദ്യ പകുതിയിലാണ് ഇന്ത്യയുടെ രണ്ട് ഗോളുകളും പിറന്നത്.
12-ാം മിനിറ്റില്‍ ലഭിച്ച പെനാല്‍റ്റി കോര്‍ണറില്‍ നിന്നാണ് ഇന്ത്യയുടെ ആദ്യ ഗോള്‍. അമിത് രോഹിതാസ് ആണ് ഇന്ത്യക്ക് വേണ്ടി ആദ്യ ഗോള്‍ നേടിയത്. 26-ാം മിനിറ്റില്‍ ഹാര്‍ദിക്ക് സിങ്ങിലൂടെ ഇന്ത്യ രണ്ടാം ഗോളും നേടി.
ഇന്ത്യയുടെ ഇനിയുള്ള മത്സരങ്ങള്‍
രണ്ടാം മത്സരം ജനുവരി 15 ഞായറാഴ്ച രാത്രി ഏഴിന് ഇംഗ്ലണ്ടിനെതിരെ
മൂന്നാം മത്സരം ജനുവരി 19 വ്യാഴാഴ്ച രാത്രി ഏഴിന് വെയ്ല്‍സിനെതിരെ
