‘എനിക്ക് നിന്നെ ഇഷ്ടമാണ്’ എന്ന് ആരെങ്കിലും പറഞ്ഞാല്‍ തന്നെ മുഖം ചുളിച്ച് നോക്കുന്നവരാണ് നമ്മള്‍ ഇന്ത്യക്കാര്‍. എന്നാല്‍ ആരെങ്കിലും നിങ്ങളോട് ‘എനിക്ക് നിന്നെ ഇഷ്ടമാണ്’ എന്ന് പറയുകയും നിങ്ങളത് കേള്‍ക്കുകയും ചെയ്യുമ്പോള്‍ നിങ്ങള്‍ക്ക് ലഭിക്കുന്നത് ഒരു അതുല്യാനുഭവമാണ്. എത്രയാണ് അതിന്റെ വിലയെന്ന് എപ്പോഴെങ്കിലും നിങ്ങള്‍ ചിന്തിച്ചിട്ടുണ്ടോ? ഒരു കോടി മുപ്പത് ലക്ഷം രൂപയാണ് (12.95 മില്യണ്‍ രൂപ) ഈ അനുഭവത്തിന്റെ മൂല്യം. ബ്രിട്ടീഷ് എഴുത്തുകാരായ സ്റ്റീവ് ഹെണ്‍‌റിയും ഡേവിഡ് ആല്‍‌ബേര്‍‌ട്ട്‌സും ചേര്‍ന്ന് എഴുതിയ പുസ്തകത്തിലാണ് അതുല്യാനുഭവങ്ങളുടെ മൂല്യവിവരണമുള്ളത്.

‘യൂ ആര്‍ റിയലി റിച്ച്, യൂ ജസ്റ്റ് ഡോണ്ട് നോ ഇറ്റ്’ (നിങ്ങള്‍ സമ്പന്നരാണ്, നിങ്ങള്‍ക്കത് അറിയില്ലെന്നേയുള്ളൂ) എന്ന് പേരിട്ടിട്ടുള്ള ഈ പുസ്തകം എഴുതിയവര്‍ ചെറിയ കക്ഷികളൊന്നുമല്ല. ഇംഗ്ലണ്ടില്‍ ഈ പുസ്തകം ബെസ്റ്റ് സെല്ലര്‍ ലിസ്റ്റിലേക്ക് കുതിക്കുകയാണ്. ഗവേഷണ കമ്പനിയായ ബ്രെയിന്‍ ‌ജ്യൂസറുമൊത്ത് സഹകരിച്ചാണ് ഇരുവരും അതുല്യാനുഭവങ്ങളുടെ മൂല്യനിര്‍ണയം നടത്തിയത്. ആയിരത്തോളം പേരെ കണ്ട് സംസാരിച്ചാണ് സര്‍‌വേ നടത്തിയത്. സര്‍‌വേയുടെ ഫലങ്ങളെ അധികരിച്ചെഴുതിയ പുസ്തകം രസകരങ്ങളായ വിവരങ്ങളാല്‍ സമ്പന്നമാണ്.

‘തീര്‍ത്തും സാമ്പത്തികമായ ഒരു മൂല്യവ്യവസ്ഥയിലാണ് നാം ജീവിക്കുന്നത്. ഞങ്ങളുടെ പുസ്തകം സമാന്തര മൂല്യവ്യവസ്ഥയെ പറ്റി പറയുന്നു. ഈ കാലഘട്ടത്തില്‍ തന്നെ ഈ പുസ്തകമിറക്കാന്‍ തീരുമാനിച്ചതിലും ഒരു കാര്യമുണ്ട്. സാമ്പത്തികമാന്ദ്യമാണ് എങ്ങും നടമാടുന്നത്. പൈസയുള്ളവരാണ് സമ്പന്നരെന്നാണ് എല്ലാവരുടെയും ധാരണ. എന്നാല്‍ പണമല്ല കാര്യം, പകരം അതുല്യാനുഭവങ്ങള്‍ ആണ് എന്ന് സ്ഥാപിക്കാനാണ് ഞങ്ങള്‍ ശ്രമിക്കുന്നത്’ - രചയിതാക്കള്‍ പറയുന്നു. അനുബന്ധ വാര്‍ത്തകള്‍ കല്യാണത്തിന് ചില കാരണങ്ങള്‍ വിജയം പ്രണയത്തിളക്കം കുറയ്ക്കുമോ ? പ്രണയം പൂക്കാന്‍ 8.2 സെക്കന്‍റ് ഇന്നും എന്നും ആദ്യത്തെ അനുഭവം.. ദാമ്പത്യത്തിന് കാല്‍പനിക പ്രണയം ഇതിനെക്കുറിച്ച് കൂടുതല്‍ വായിക്കുക : പ്രണയം അനുഭവം മൂല്യം സാമ്പത്തികമാന്ദ്യം സാഹിത്യം പുസ്തകനിരൂപണം