സെപ്തംബറിലെ മൂന്നാമത്തെ ഞായറാഴ്ച വനിതാ സൗഹൃ ദ ദിനമായി ആചരിക്കുന്നു
WEBDUNIA|
സെപ്തംബറിലെ മൂന്നാമത്തെ ഞായറാഴ്ച എല്ലാ കൊല്ലവും വനിതാ സൗഹൃ ദ ദിനമായി ആചരിക്കുന്നു -
1997 മുതല്. ലോകത്തെങ്ങുമുള്ള പെണ് ചങ്ങാതിമാര്ക്ക് സ്നേഹവും സൗഹൃ ദവും സമ്മാനിക്കാന്, കഴിയുമെങ്കില് വീണ്ടും ഒത്തുചേരാന് , ബന്ധങ്ങളെ നിലനിര്ത്താന് വേണ്ടിയാണ് ഈ ദിനം.
വനിതകള്ക്ക് കൂട്ടുകാരികളെ ഓര്ക്കാനും അവരുമായി ചങ്ങാത്തം പങ്കിടാനും പഴയ അയല്പക്കങ്ങളുടെയോ ക്ളാസ് മുറികളുടെയോ ഓഫീസുകളുടെയോ ഗൃഹാതുരതയിലേക്ക് ചെന്നെത്താനും ഒരു ദിനം. ഈ ദിവസത്തില് കൂട്ടുകാരികളെ ഓര്മ്മിക്കാം, അവരെ വിളിക്കാം, അവരുമായി ഒത്തുചേരാം, വിദൂരത്തുള്ളവര്ക്ക് ആശംസാ കാര്ഡുകള് അയയ് ക്കുകയും ചെയ്യാം.
ഏതൊരു സ്ത്രീയോടും ചോദിച്ചുനോക്കൂ. മറ്റൊരു സ്ത്രീയുമായും അവര്ക്കുള്ള സൗഹൃ ദത്തിന് പല സവിശേഷതകളുമുണ്ടായിരിക്കും. ഒരു സ്ത്രീയെ ഒരു പെണ് സുഹൃത്തിനു മാത്രമേ നന്നായി മനസ്സിലാക്കാന് കഴിയു. അവര് പറയുന്നത് കേള്ക്കും. ആശ്വസിപ്പിക്കും. പ്രോത്സാഹിപ്പിക്കും.
വനിതാ സുഹൃത്തുക്കള് പലതരത്തിലുള്ളതാവാം. സഹോദരിയാവാം, അമ്മയാവാം, അയല്ക്കാരിയാവാം, ഒരുമിച്ചു കളിച്ചുവളര്ന്നവരാവാം, കോളേജ-ില് പഠിച്ചവരാകാം.
വാസ്തവത്തില് അമേരിക്കയില് വനിതാ സൗഹൃ ദദിനമെന്ന പേരില് തുടങ്ങിയ ആഘോഷങ്ങളാണ് ആഗോള വ്യാപകമായ പെണ്ചങ്ങാത്ത ദിനമായി മാറിയത്. 1897 ല് നാലു പെണ്കുട്ടികളുടെ സൗഹൃദത്തിന്റെ കൂട്ടായ്മയായ കപ്പ ഡെല്റ്റ (അര്ത്ഥം എന്നെന്നേക്കും സൗഹൃ ദം) യില് നിന്നാണ് വനിതകളുടെ സൗഹൃ ദം എന്ന ആശയം ഉരുത്തിരിഞ്ഞുവന്നത്.