രോഗമുക്തിക്കായി വൈദ്യനാഥ സ്വാമി

അയ്യാനാഥന്‍

ഭഗവാന്‍ ശിവന് ശക്തി തയല്‍നായകി അമ്മയോടൊപ്പം തൈലം, സഞ്ജീവി, വില്വ വൃക്ഷത്തിന്‍റെ വേരുകളില്‍ നിന്നുള്ള മണ്ണ് എന്നിവ കൊണ്ട് ലോകത്തുള്ള 4480 രോഗങ്ങള്‍ ചികിത്സിച്ച് ഭേദമാക്കാനാകുമെന്ന്( സിദ്ധ വൈദ്യ പ്രകാരം) ഭക്തര്‍ വിശ്വസിക്കുന്നു. ഭഗവാന്‍ തന്‍റെ ഭക്തരെ ചികിത്സിച്ച് ഭേദപ്പെടുത്തുന്നതിനാല്‍ വൈദ്യനാഥ സ്വാമി എന്ന പേരില്‍ അറിയപ്പെടുന്നു.

ഈ ക്ഷേത്രത്തില്‍ ആയൂരാരോഗ്യ സൌഖ്യങ്ങള്‍ക്കായി വര്‍ഷം തോറും ദശലക്ഷക്കണക്കിന് ഭക്തരാണ് എത്തുന്നത്. പ്രത്യേക രീതിയില്‍ ഗുളികകള്‍ തയാര്‍ ചെയ്യുന്ന പരമ്പരാഗത രീതി ഇന്നും തുടരുന്നു. ശുക്ല പക്ഷത്തില്‍ പ്രത്യേകമായുളള ഒരു പുണ്യ തീര്‍ത്ഥത്തില്‍ കുളിച്ച ശേഷം തീര്‍ത്ഥത്തില്‍ നിന്ന് മണ്ണ് ശേഖരിച്ച് അത് ജടായു കുണ്ഡത്തിലെ വിഭൂതിയുമായി കൂട്ടിച്ചേര്‍ത്ത് സിദ്ധാമൃത തീര്‍ത്ഥത്തിലെ തീര്‍ത്ഥജലവുമായി കൂട്ടിയിണക്കുന്നു. ഈ മിശ്രിതം മുരുക സ്വാമിയുടെ മുന്നില്‍ പൊടിയാക്കി ചെറിയ ഗോളാകൃതിയിലാക്കി ശക്തി സന്നിധിയില്‍ കൊണ്ടു പോയി പുജ ചെയ്യുന്നു. ഇതിന് ശേഷം സിദ്ധാമൃത തീര്‍ത്ഥവുമായി ചേര്‍ത്ത് കഴിക്കുന്നു. ഇങ്ങനെ ചെയ്യുന്നത് കൊണ്ട് അഞ്ച് ജന്മം അസുഖങ്ങള്‍ ഉണ്ടാകില്ലെന്നാണ് വിശ്വാസം.

ചൊവ്വാ ദോഷവുമായി ബന്ധപ്പെട്ട് വിവാഹം നടക്കാതിരിക്കുന്നതിന് പരിഹാരം തേടിയും സ്വത്ത് സംബന്ധിയായ പ്രശ്നങ്ങള്‍ പരിഹരിക്കാനും നിരവധി ഭക്തര്‍ ഇവിടെ എത്തുന്നുണെന്ന് ക്ഷേത്രത്തിലെ മുതിര്‍ന്ന പുരോഹിതരില്‍ ഒരാള്‍ പറഞ്ഞു. മുരുകസ്വാമിയെ പുത്ര ഭാഗ്യത്തിനായും തയ്യല്‍‌നായകി അമ്മനെ ദീര്‍ഘ സുമംഗലി ആകാനും ഭക്തര്‍ ആരാധിക്കുന്നു.

WEBDUNIA|

ഇവിടെ നവഗ്രഹങ്ങള്‍ ഒരേ നിരയിലാണ് കാണപ്പെടുന്നത്. എല്ലാ ഗ്രഹ ദോഷങ്ങളും പരിഹരിക്കാന്‍ ഇതിനാല്‍ സാദ്ധ്യമാണ്. ക്ഷേത്രത്തിലെ വൃക്ഷം ഓരോ യുഗത്തിലും വ്യത്യസ്തമാ‍ണ്. കൃത യുഗത്തില്‍ കദംബമായും ത്രേതായുഗത്തില്‍ വില്വ മരമായും ദ്വാപര യുഗത്തില്‍ വകുലമായും കലിയുഗത്തില്‍ വേപ്പായും ആണ് ഇത് കാണപ്പെടുന്നത്.

അനുബന്ധ വാര്‍ത്തകള്‍

ഇതിനെക്കുറിച്ച് കൂടുതല്‍ വായിക്കുക :

വൈത്തീശ്വരന്‍ ഭഗവാന്‍ സീതാദേവി ശ്രീരാമന്‍