ഒരു മുസ്ലീം പള്ളിയുടെ ആകൃതിയിലാണ് ദത്താ ക്ഷേത്രം നിര്മ്മിച്ചിട്ടുള്ളത്. ഇവിടെയെത്തുന്ന ഭക്തര് ഭഗവാന്റെ കാലടികളില് പട്ട് തുണി സമര്പ്പിക്കുന്നത് മുസ്ലീം പള്ളികളിലെ ആചാരത്തെ അനുസ്മരിപ്പിക്കുന്നു. അതേപോലെ, ഇവിടെ തപസ്സ് അനുഷ്ഠിച്ച് ഇഹലോക വാസം വെടിഞ്ഞ മുനിമാരുടെ ശവകുടീരങ്ങളും ക്ഷേത്ര പരിസരത്ത് കാണാന് സാധിക്കും.
പൌര്ണമി ദിനങ്ങളിലാണ് ദത്താത്രേയ ക്ഷേത്രത്തില് ഭക്തരുടെ തിരക്ക് വര്ദ്ധിക്കുന്നത്. ശനിയാഴ്ച ദിവസമാണ് ദത്താത്രേയന് ജനിച്ചതെന്നാണ് വിശ്വാസം. അതിനാല്, ശനിയാഴ്ച ദിവസങ്ങളിലും ഇവിടെ ഭക്തജനത്തിരക്ക് അനുഭവപ്പെടുന്നു. എല്ലാവര്ഷവും ദത്താത്രേയ ജയന്തിയോട് അനുബന്ധിച്ച് വന് ആഘോഷങ്ങള് നടത്താറുണ്ട്.
ക്ഷേത്രത്തിനകത്തും പുറത്തും യഥേഷ്ടം വിഹരിക്കുന്ന ശ്വാനന്മാര് ആദ്യമായി ഇവിടെയെത്തുന്നവരെ അത്ഭുതപ്പെടുത്തിയേക്കാം. ശ്വാനന്മാരെ ദത്താത്രേയന്റെ അവതാരമായിട്ടാണ് കരുതുന്നത്. അതിനാല്, അവയ്ക്ക് ക്ഷേത്രത്തില് എവിടെ വേണമെങ്കിലും യഥേഷ്ടം വിഹരിക്കുന്നതില് നിയന്ത്രണമില്ല.
എത്തിച്ചേരാന്:
WEBDUNIA|
റോഡ് മാര്ഗ്ഗം നരസിംഹവാഡിയില് എത്തിച്ചേരാന് കോലാപൂരില് നിന്ന് 40 കിലോമീറ്റര് സഞ്ചരിച്ചാല് മതി. മുംബൈയില് നിന്നും പൂനെയില് നിന്നും ഇവിടെയെത്താന് ട്രെയിന് സൌകര്യമുണ്ട്. ഏറ്റവും അടുത്ത വിമാനത്താവളം കോലാപ്പൂരിലാണ്.