എല്ലാ മതഗ്രന്ഥങ്ങളിലും ദിവ്യമോ ഉപയോഗ യോഗ്യമോ ആയ ചെടികളെ കുറിച്ചുള്ള പരാമര്‍ശമുണ്ട്. ഇതില്‍ പഴങ്ങളും ഇലകളും എല്ലാം ഉള്‍പ്പെടുന്നു. ഖുറാനില്‍ നൂറു തരം മരങ്ങളെ കുറിച്ചുള്ള പരാമര്‍ശമുണ്ട്.( ഇരുപതു ചെടികളെ കുറിച്ചേ പറയുന്നുള്ളു എന്നൊരു വാദവും നിലനില്‍ക്കുന്നു)
റംസാന്‍ മാസത്തില്‍ ടൂത്ത് ബ്രഷ് ചെടി എന്ന് പേരുള്ള മെസ്‌വക്കിന് പ്രാധാന്യം ഏറെയാണ്. ഓരോ നിസ്കാരത്തിനു മുമ്പും മെസ്‌വാക് കമ്പ് ഉപയോഗിച്ച് പല്ലുകള്‍ ശുദ്ധിയാക്കണം എന്നത് ഇസ്ലാമിലെ ഒരു സുന്നത്താണ്. നബി തിരുമേനി ഈ പതിവ് പാലിച്ചിരുന്നു.
ബാര്‍ലി, ഗോതമ്പ്,വെളുത്തുള്ളി,സവോള,ഇഞ്ചി, കറുകപ്പട്ട,തുടങ്ങി അന്യ നാടുകളില്‍ നിന്നും പ്രാദേശിക ചന്തകളില്‍ എത്തിയിരുന്ന പല ചെടികളും ഖുറാനില്‍ സൂചിപ്പിച്ചിട്ടുണ്ട്.
