സച്ചിന് അര്ദ്ധ ശതകം
|
ഓസ്ട്രേലിയന് ബൌളിംഗിനെ സമര്ത്ഥമായി നേരിട്ട സച്ചിന് 76 പന്തുകളിലായിരുന്നു 56 റണ്സ് അടിച്ചു കൂട്ടിയത്. ആറ് ഫോറുകളും അദ്ദേഹത്തിന്റെ ബാറ്റില് നിന്നും പിറന്നു. ടോസ് നേടി ബാറ്റിംഗ് തെരഞ്ഞെടുത്ത ഇന്ത്യയ്ക്കായി റോബിന് ഉത്തപ്പയ്ക്കൊപ്പം ഓപ്പണറായിട്ടായിട്ടായിരുന്നു സച്ചിന് കളത്തിലെത്തിയത്.
തുടക്കത്തില് തന്നെ വിക്കറ്റ് നഷ്ടമുണ്ടാകാതെ പതിയെ തുടങ്ങിയ ഇരുവരും ഇന്ത്യയ്ക്ക് മികച്ച തുടക്കമാണ് നല്കിയത്. സച്ചിനു മികച്ച പിന്തുണയുമായി തുടങ്ങിയ ഉത്തപ്പ 49 പന്തുകളില് ഒരു ബൌണ്ടറിയുടെ പിന്ബലത്തില് 30 റണ്സ് കണ്ടെത്തി. ക്ലാര്ക്കിന്റെ പന്തില് ഹോപ്സിനായിരുന്നു ക്യാച്ച്. 20 ഓവറുകളില് ഇന്ത്യയുടെ സമ്പാദ്യം വിക്കറ്റ് നഷ്ടം കൂടാതെ 87 റണ്സായിരുന്നു.
ഇരു ടീമും കാതലായ മാറ്റങ്ങളുമായാണ് കളിക്കാനെത്തുന്നത്. ഇന്ത്യ സ്ട്രൈക്ക് ബൌളര് ഇഷാന്ത് ശര്മ്മയ്ക്ക് പകരക്കാരനായി എസ് ശ്രീശാന്തിനെ കൊണ്ടുവന്നപ്പോള് ബ്രാഡ്ഹോഗിനു പകരക്കാരനായി സ്റ്റുവര്ട്ട് ക്ലാര്ക്കിനെയാണ് ഓസീസ് പരിഗണിച്ചിരിക്കുന്നത്. ഈ മത്സരം കൂടി ജയിച്ചാല് ഇന്ത്യയ്ക്ക് കപ്പ് സ്വന്തമാക്കാം.
