1. വാര്‍ത്താലോകം
  2. »
  3. കരിയര്‍
  4. »
  5. അവസരങ്ങള്‍

പവര്‍ഗ്രിഡില്‍ എഞ്ചിനീയര്‍

പവര്ഗ്രിഡ് എഞ്ചിനീയര് നിയമനം അപേക്ഷ
PROPRO
കേന്ദ്ര സര്‍ക്കാരിനു കീഴിലുള്ള പവര്‍ഗ്രിഡിന്‍റെ വിവിധ റീജിയണുകളില്‍ 175 അസിസ്റ്റന്‍റ് എന്‍ജിനീയര്‍, 175 ജൂനിയര്‍ എന്‍ജിനീയര്‍ ഗ്രേഡ്‌ അണ്ടര്‍ തസ്‌തികയിലെ ഒഴിവിലേക്കു വാക്ക്‌ ഇന്‍ ഇന്‍റര്‍വ്യൂ നടത്തുന്നു.

ഓണ്‍ലൈന്‍ മുഖേന അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി സെപ്റ്റംബര്‍ 26. കരാര്‍ അടിസ്ഥാനത്തില്‍ രണ്ടുവര്‍ഷത്തേക്കാണു നിയമനമെങ്കിലും ഒരുവര്‍ഷം കൂടി നീട്ടിക്കിട്ടാം. വാക്ക്‌ ഇന്‍ ഇന്‍റര്‍വ്യൂ സംമ്പന്ധിച്ച പൂര്‍ണവിവരങ്ങള്‍ ഒക്ടോബര്‍ ഏഴിന്‌ പവര്‍ഗ്രിഡിന്‍റെ ഒൌ‍ദ്യോഗിക വെബ്സൈറ്റില്‍ പ്രസിദ്ധീകരിക്കും.

അസിസ്റ്റന്‍റ് എന്‍ജിനീയര്‍: ഒരു അംഗീകൃത സര്‍വകലാശാല/ഇന്‍സ്റ്റിട്യൂഷനില്‍ നിന്നു കുറഞ്ഞത്‌ 55% ശതമാനം മാര്‍ക്കോടെ ഇലക്ട്രിക്കല്‍ എന്‍ജിനീയറിങ്ങില്‍ ബിഇ/ ബിടെക്‌/ബിഎസ്‌സി (എന്‍ജിനീയറിങ്‌)/എഎംഐഇ.

ജൂനിയര്‍ എന്‍ജിനീയര്‍ ഗ്രേഡ്‌ അണ്ടര്‍‍: ഒരു അംഗീകൃത പോളിടെക്നിക്കില്‍ നിന്നു കുറഞ്ഞത്‌ 55% ശതമാനം മാര്‍ക്കോടെ ഇലക്ട്രിക്കല്‍ എന്‍ജിനീയറിങ്ങില്‍ ഡിപ്ലോമ.

ഉയര്‍ന്ന പ്രായപരിധി : അസിസ്റ്റന്‍റ് എന്‍ജിനീയര്‍ - 28 വയസ്‌. ജൂനിയര്‍ എന്‍ജിനീയര്‍ ഗ്രേഡ്‌ അണ്ടര്‍ - 27 വയസ്‌. രണ്ടു തസ്‌തികകളിലേക്കും 2008 സെപ്റ്റംബര്‍ ഒന്ന്‌ അടിസ്ഥാനമാക്കി പ്രായം കണക്കാക്കും.

അസിസ്റ്റന്‍റ് എന്‍ജിനീയറിന് 16,000 രൂപ (ഒന്നാം വര്‍ഷം). രണ്ടാം വര്‍ഷം 10,750-16,750 രൂപ. ആനുകൂല്യങ്ങള്‍ ഉള്‍പ്പെടെ 35,000 രൂപ ലഭിക്കും. ജൂനിയര്‍ എന്‍ജിനീയര്‍ ഗ്രേഡ്‌ അണ്ടര്‍ : 7300 രൂപ (ഒന്നാം വര്‍ഷം). രണ്ടാം വര്‍ഷം 7300-12,600 രൂപ. ആനുകൂല്യങ്ങള്‍ ഉള്‍പ്പെടെ 21,000 രൂപ ലഭിക്കും.

ഓണ്‍ലൈനില്‍ അപേക്ഷ സമര്‍പ്പിച്ചതിനുശേഷം സിസ്റ്റം ജനറേറ്റഡ്‌ റജിസ്ട്രേഷന്‍ ഫോം ഡൗണ്‍ലോഡു ചെയ്യണം. ഇന്‍റര്‍വ്യൂ സമയത്തു റജിസ്ട്രേഷന്‍ ഫോം ഹാജരാക്കണം.വെബ്സൈറ്റ്‌: www.powergridindia.com