സുപ്രീംകോടതി ജഡ്ജിക്കെതിരെ വീണ്ടും ലൈംഗിക ആരോപണം; പരാതിക്കാരി കൊല്‍ക്കത്തയില്‍നിന്നുള്ള നിയമവിദ്യാര്‍ഥിനി
ന്യൂഡല്‍ഹി|
WEBDUNIA|
PRO
PRO
സുപ്രീംകോടതിയില്‍നിന്ന് സമീപകാലത്ത് വിരമിച്ച ഒരു ജഡ്ജിക്കെതിരെ കൂടി ലൈംഗിക ആരോപണം. കൊല്‍ക്കത്തയില്‍ നിന്നുള്ള നിയമവിദ്യാര്‍ത്ഥിനിയാണ് ഇതുസംബന്ധിച്ച പരാതി ചീഫ് ജസ്റ്റിസ് പി സദാശിവത്തിന് കൈമാറിയത്. സിറ്റിംഗ് ജഡ്ജിയായിരിക്കെ തന്നെ ലൈംഗികമായി പീഡിപ്പിച്ചുവെന്നാണ് പരാതിയില്‍ പറയുന്നത്.
ജസ്റ്റിസ് എ കെ ഗാംഗുലിക്കെതിരെ ഉയര്‍ന്ന ആരോപണത്തിന് പിന്നാലെയാണ് മറ്റൊരു ജഡ്ജിക്കെതിരെ ആരോപണം ഉയര്‍ന്നിരിക്കുന്നത്. ഇപ്പോള്‍ ആരോപണം നേരിടുന്ന ജഡ്ജിയുടെ പേര് പുറത്തുവന്നിട്ടില്ല. വിരമിച്ച ജഡ്ജിമാര്‍ക്കെതിരെയുള്ള പരാതി പരിഗണിക്കേണ്ടതില്ല എന്നാണ് സുപ്രീംകോടതി ഫുള്‍ബെഞ്ചിന്റെ തീരുമാനം.
ജസ്റ്റിസ് ഗാംഗുലിക്കെതിരായ ആരോപണം ഉയര്‍ന്നവേളയില്‍ സുപ്രീംകോടതി ഫുള്‍ബഞ്ച് ചേര്‍ന്ന് വിരമിച്ച ജഡ്ജിമാര്‍ക്കെതിരെയുള്ള ആരോപണങ്ങള്‍ അന്വേഷിക്കേണ്ടതില്ലെന്നും ഇത് പ്രോത്സാഹിപ്പിക്കേണ്ടെന്നും തീരുമാനിച്ചിരുന്നു. ഇതിന്റെ അടിസ്ഥാനത്തിലാണ് നടപടിയെടുക്കേണ്ടെന്ന നിലപാട് സുപ്രീംകോടതി സ്വീകരിച്ചിരിക്കുന്നത്.ചീഫ് ജസ്റ്റിസ് നടപടി എടുത്തില്ലെങ്കില്‍ പൊലീസില്‍ പരാതി നല്‍കാനാണ് പെണ്‍കുട്ടിയുടെ തീരുമാനം.
