സിംഹത്തിന് കൈ കൊടുത്ത് സൗഹൃദം പുതുക്കാനെത്തിയതായിരുന്നു ഇയാള്‍. ഹൈദരാബാദിലെ പ്രമുഖ മൃഗശാലയായ നെഹ്‌റു പാര്‍ക്കിലാണ് സംഭവം നടന്നത്.
രാജസ്ഥാന്‍ സ്വദേശിയായ മുകേഷ് എന്ന വ്യക്തിയാണ് മദ്യപിച്ച് മൃഗശാലയിലെ സിംഹങ്ങളെ പാര്‍പ്പിച്ചിരിക്കുന്ന പന്ത്രണ്ട് അടി താഴ്ചയുള്ള കിടങ്ങിലേക്ക് ചാടിയത്. അതിനു ശേഷം ഇയാള്‍ സിംഹങ്ങളുടെ അടുത്തേക്ക് നീന്തിയെത്തി. ഒരു ആണ്‍ സിംഹവും ഒരു പെണ്‍ സിംഹവും ആ സമയം കരയില്‍ വിശ്രമിക്കുന്നുണ്ടായിരുന്നു.
ഇയാള്‍ സിംഹക്കൂട്ടിലേക്ക് എടുത്തു ചാടുന്നത് കണ്ട സന്ദര്‍ശകര്‍ ഒച്ചവെക്കുകയും തുടര്‍ന്ന് ജീവനക്കാരെത്തി കല്ലുകളെറിഞ്ഞും മറ്റും സിംഹങ്ങളുടെ ശ്രദ്ധ തിരിച്ച ശേഷം ഇയാളെ രക്ഷപ്പെടുത്തുകയായിരുന്നു. എല്‍&ടി മെട്രോ റെയിലിലെ ജീവനക്കാരനാണ് മുകേഷ്.
