ജമ്മു കശ്മീരില്‍ വീണ്ടും തീവ്രവാദി ആക്രമണം. ശ്രീനഗറിലുള്ള സരാഫ് കാഡലില്‍ സിആര്‍പിഎഫ് ക്യാംപിന് നേരെയാണ് കഴിഞ്ഞ ദിവസം രാത്രി ഗ്രനേഡ് ആക്രമണമുണ്ടായത്. സംഭവത്തില്‍ മൂന്നു പൊലീസുകാര്‍ക്കും ഒരു ജവാനും പരുക്കേറ്റു.

ഞായറാഴ്ച സുരക്ഷാസേനയ്ക്കു നേരെയുണ്ടാകുന്ന മൂന്നാമത്തെ ആക്രമണമാണിത്. തെക്കന്‍ കശ്മീരിലെ ഷോപിയാനില്‍ വൈകീട്ട് പൊലീസ് സ്റ്റേഷന് നേരെ ഭീകരര്‍ വെടിവെപ്പ് നടത്തി. പൊലീസ് തിരിച്ചുവെടിവെക്കാന്‍ തുടങ്ങിയതോടെ ഭീകരര്‍ രക്ഷപ്പെടുകയായിരുന്നു.

ഷോപിയാനില്‍ ഇപ്പോളും ഭീകരര്‍ക്കായുള്ള തെരച്ചില്‍ തുടരുകയാണ്. അതിന് മുമ്പ് ഭീകരര്‍ നടത്തിയ വെടിവയ്പില്‍ പൊലീസുകാരന് പരിക്കേറ്റിരുന്നു. ഇമാം സാഹിബ് ക്യാംപിന് പുറത്തു നില്‍ക്കുകയായിരുന്നു ഖുര്‍ഷിദ് അഹമ്മദ് എന്ന പൊലീസുകാരനാണ് വെടിയേറ്റത്.