വീരപ്പന്‍ വേട്ടയ്ക്ക് നേതൃത്വം നല്‍കിയ വിജയകുമാര് നക്സല്‍ വിരുദ്ധസേന തലവനാകുന്നു
ന്യൂഡല്‍ഹി|
WEBDUNIA|
PRO
വീരപ്പന്‍ വേട്ടയ്ക്ക് നേതൃത്വം നല്‍കിയ പൊലീസ്‌ ഉദ്യോഗസ്ഥനായിരുന്ന കെ വിജയകുമാറിനെ നക്സല്‍ വിരുദ്ധ പോരാട്ടത്തിനായി കേന്ദ്രസര്ക്കാര് ആഭ്യന്തരമന്ത്രാലയത്തിലേക്ക്‌ തിരികെ വിളിക്കുന്നു. മാവോയിസ്റ്റ് വിരുദ്ധ പ്രവര്‍ത്തനങ്ങള്‍ക്ക് തടയിടാന്‍ കേന്ദ്രം പ്രത്യേക സേനയെ ചുമതലപ്പെടുത്തിയിരുന്നു. ഈ സെല്ലിനെ നയിക്കാനാണ് വനമേഖലയില്‍ പരിചയമുള്ള വിജയകുമാര് തിരികെയെത്തുന്നത്.
ഛത്തീസ്ഗഢില്‍ 27 കോണ്‍ഗ്രസ്‌ നേതാക്കള്‍ കൊല്ലപ്പെട്ട മാവോയിസ്റ്റ് ആക്രമണത്തിന്റെ പശ്ചാത്തലത്തിലാണ്‌ കേന്ദ്ര സര്‍ക്കാരിന്റെ ഈ തീരുമാനം. സംഭവത്തിന്റെ പശ്ചാത്തലത്തില്‍ കോണ്‍ഗ്രസിന്റെയും യുപിഎയുടെയും ഉന്നതതല കൂടിയാലോചനകളിലാണ്‌ വിജയകുമാറിനെ ദൗത്യത്തിന്റെ കടിഞ്ഞാണ്‍ ഏല്‍പിക്കാനുള്ള തീരുമാനമുണ്ടായത്‌.
മാവോയിസ്റ്റുകളെ നേരിടാന്‍ നിയോഗിച്ച കേന്ദ്രസേനയ്ക്ക്‌ നല്ല ഒരു നേതൃത്വമില്ലെന്ന വിലയിരുത്തലാണ്‌ കൂടിയാലോചനകളില്‍ ഉയര്‍ന്നത്‌. ഇതനുസരിച്ചാണ്‌ വനമേഖലയിലെ പോരാട്ടങ്ങളില്‍ പരിചയമുള്ള വിജയകുമാറിനെ തിരികെ വിളിക്കാന്‍ തീരുമാനമായത്‌.
