മെട്രോയിലെ കമിതാക്കളുടെ ദൃശ്യങ്ങള്‍ വീണ്ടും അശ്ലീല സൈറ്റുകളില്‍?
ന്യൂഡല്‍ഹി|
WEBDUNIA|
PRO
യാത്രക്കാര്‍ മെട്രോ ട്രെയിനുള്ളില്‍ മാന്യത പാലിക്കണമെന്ന് ഡെല്‍ഹി മെട്രോ അധികൃതര്‍. ഒരാഴ്ച മുമ്പ് മെട്രോ ട്രെയിനുള്ളില്‍ കമിതാക്കളുടെ സ്വകാര്യനിമിഷങ്ങള്‍ പുറത്തുവന്നത് വിവാദമായ സാഹചര്യത്തിലാണ് അധികൃതരുടെ നിര്‍ദ്ദേശം.
മെട്രോ ട്രെയിനില്‍ കമിതാക്കള്‍ അനുചിതമായി പെരുമാറുന്ന സിസിടിവി ദൃശ്യങ്ങളാണ് വിവാദമായത്. ഇത്തരത്തിലുള്ള 250ഓളം വീഡിയോ ദൃശ്യങ്ങളാണ് ഇന്‍റര്‍നെറ്റില്‍ പ്രചരിച്ചത്. വീണ്ടും ദൃശ്യങ്ങള്‍ ഇന്റെര്‍നെറ്റില്‍ പ്രചരിക്കുന്നുണ്ടെന്നും റിപ്പോര്‍ട്ടുകള്‍ പുറത്തുവന്ന സാഹചര്യത്തിലാണ് മെട്രോയില്‍ നിയന്ത്രണം പുലര്‍ത്തണമെന്ന് അധികൃതര്‍ നിര്‍ദ്ദേശം നല്‍കിയത്.
ഡല്‍ഹി സൈബര്‍ ക്രൈം സെല്ലാണ് പുറത്തു വന്ന ദൃശ്യങ്ങളെ കുറിച്ച് അന്വേഷിക്കുന്നത്. ഡിഎംആര്‍സി സൈബര്‍സെല്ലിന് നല്‍കിയ പരാതിയില്‍ സിഐഎസ്എഫിനെയും കുറ്റപ്പെടുത്തിയിട്ടുണ്ട്.
