ഫണ്ട് പിരിവിനായി ആം ആദ്മി പാര്ട്ടി ഓഫിസുകളില്‍ ക്രെഡിറ്റ് കാര്ഡ് സ്വൈപ്പിങ് യന്ത്രങ്ങള്!
ന്യൂഡല്‍ഹി|
WEBDUNIA|
Last Modified തിങ്കള്‍, 30 സെപ്‌റ്റംബര്‍ 2013 (12:19 IST)
PRO
PRO
തെരഞ്ഞെടുപ്പ് ഫണ്ട് പിരിവിനായി ആം ആദ്മി പാര്ട്ടി ഓഫിസുകളില്‍ ക്രെഡിറ്റ് കാര്ഡ് സ്വൈപ്പിങ് യന്ത്രങ്ങള് സ്ഥാപിക്കുന്നു. പാര്ട്ടി നടത്തുന്ന ജനകീയ ഫണ്ട് പിരിവ് കൂടുതല്‍ സുതാര്യമാക്കാനാണ് ഈ നടപടി. ബക്കറ്റ്‌ പിരിവും ഓണ്‍ലൈന്‍ സംഭാവനകളും ഉള്‍പ്പെടെ ഇതുവരെ 12 കോടി രൂപ പിരിഞ്ഞുകിട്ടിയെന്ന് പാര്ട്ടി വക്‌താകള്‍ അറിയിച്ചിരുന്നു.
മറ്റ് പാര്‍ട്ടികള്‍ തങ്ങള്‍ക്ക് ലഭിച്ച സംഭാവനകളുടെ വിശദമായ പട്ടിക പ്രസിദ്ധീകരിക്കാന്‍ തയാറാകണമെന്ന്‌ ആം ആദ്മി പാര്ട്ടി ദേശീയ കോ-ഓര്‍ഡിനേറ്റര്‍ അരവിന്ദ് കേജ്രിവാള് ആവശ്യപ്പെട്ടു.
പ്രതിദിനം ശരാശരി 10 ലക്ഷം രൂപ വീതം ലഭിക്കുന്നുണ്ടെന്നും 47,000 പേര്‍ ഓണ്‍ലൈനിലൂടെ പണം നല്‍കിയെന്നും പാര്ട്ടി വെളിപ്പെടുത്തിയ വിവരങ്ങളില്‍ പറയുന്നു. തെരഞ്ഞെടുപ്പ് പ്രഖ്യാപിച്ച് കഴിഞ്ഞാല്‍ കൂടുതല്‍ സംഭാവന എത്തുമെന്ന് കരുതുന്നുവെന്നും നേതാക്കള്‍ പറയുന്നു.
