മോഡിയേക്കാളും രാഹുലിനേക്കാളും പ്രധാനമന്ത്രിയാകാന്‍ ഏറെ യോഗ്യതയുള്ളവര്‍ അനേകം പേരുണ്ടെന്ന് ബീഹാര്‍ മുഖ്യമന്ത്രി നിതീഷ് കുമാര്. സ്വയം പേരെടുത്ത് പറയാതെയാണ് തന്റെ പ്രധാനമന്ത്രി മോഹം നിതീഷ് കുമാര് വെളിപ്പെടുത്തിയത്.
"ഇപ്പോള്‍ ചുറ്റിനടക്കുന്നവര്‍ക്ക്‌ എന്റെയത്ര പരിചയമുണ്ടെന്നു തോന്നുന്നുണ്ടോ? സഭാനേതാവാകാന്‍ ആഗ്രഹിക്കുന്നയാള്‍ക്കു രാജ്യസഭയിലോ ലോക്സഭയിലോ ഒരു ദിവസത്തെയെങ്കിലും അനുഭവപരിചയമുണ്ടോ എന്ന് നിതീഷ് ചോദിച്ചു.
താന്‍ വി പി സിങ്‌ മന്ത്രിസഭയില്‍ സഹമന്ത്രിയായിരുന്നുവെന്ന് നിതീഷ് പറഞ്ഞു. വാജ്പേയിമന്ത്രിസഭകളിലും പ്രധാന വകുപ്പുകള്‍ കൈകാര്യം ചെയ്‌തിട്ടുണ്ട്‌. പ്രധാനമന്ത്രി സ്ഥാനാര്‍ഥിയായാലും ആയില്ലെങ്കിലും ഞാന്‍ എംപിയായിരുന്നിട്ടുണ്ടെന്നും നിതീഷ് കൂട്ടിച്ചേര്‍ത്തു.
