പതിനാലുകാരിയുടെ നഗ്ന ഫോട്ടോ എടുത്ത് പ്രചരിപ്പിച്ച അമ്മാവനെതിരെ കേസ്
കണ്ണൂര്‍|
WEBDUNIA|
Last Modified ശനി, 21 സെപ്‌റ്റംബര്‍ 2013 (15:42 IST)
PRO
പതിനാലുകാരിയുടെ നഗ്നഫോട്ടോയെടുത്ത് ഭീഷണിപ്പെടുത്തിയ അമ്മാവനെതിരെ പൊലീസ് കേസ് റജിസ്ട്രര്‍ ചെയ്തു. കണ്ണൂര്‍ ഇരിക്കൂര്‍ സ്വദേശിയാണ് പ്രതി.
പെണ്‍കുട്ടിയുടെ നഗ്നഫോട്ടോ പകര്‍ത്തിയ ഇയാള്‍ ഫോട്ടോകള്‍ നിരവധിപ്പേര്‍ക്ക് അയച്ചുകൊടുക്കുകയും ചെയ്തു. തുടര്‍ന്ന് നാട്ടുകാര്‍ വിവരം പൊലീസിനെ അറിയിച്ചപ്പോഴാണ് അമ്മാവനെതിരെ പൊലീസ് കേസ് റജിസ്ട്രര്‍ ചെയ്തത്. എന്നാല്‍ പെണ്‍കുട്ടിയുടെ വീട്ടുകാര്‍ ആരോപണം നിരസിക്കുകയാണ് ചെയ്തത്.
തുടര്‍ന്ന് പെണ്‍കുട്ടിയെ ചോദ്യം ചെയ്തപ്പോള്‍ അമ്മാവന് തന്നെയാണ് ഫോട്ടോ എടുത്തതെന്ന് മൊഴി നല്‍കുകയായിരുന്നു. ചിത്രങ്ങള്‍ മൊബൈല്‍ വഴി പ്രചരിപ്പിച്ചവര്‍ക്കെതിരെയും നടപടിയുണ്ടാകുമെന്ന് പൊലീസ് അറിയിച്ചു.
