നരേന്ദ്രമോഡിക്കെതിരെ ബിജെപി ആസ്ഥാനത്ത് പ്രതിഷേധവുമായി സഖ്യകക്ഷിയായ അകാലിദള് രംഗത്ത്. ഗുജറാത്തിലെ സിഖ് വിരുദ്ധ നടപടികളില്‍ പ്രതിഷേധിച്ചാണ് അകാലിദള് ഡല്‍ഹിയിലെ ബിജെപി ആസ്ഥാനത്ത് പ്രകടനം നടത്തിയത്.
ഗുജറാത്തിലെ ജീവനക്കാരെ കൃഷി ചെയ്ത് ജീവിക്കാന്‍ സമ്മതിക്കുന്നില്ല എന്നതാണ് കാരണം. മോഡിയുടെ വര്‍ഗീയത കാരണം ഐക്യ ജനതാദള്‍ എന്ഡിഎ വിട്ടതിനു പിന്നാലെയാണ് ബിജെപി സംഖ്യത്തിലെ പ്രധാന കക്ഷിയായ അകാലിദളും എതിര്‍പ്പ് പ്രകടിപ്പിച്ച് രംഗത്തെത്തിയത്. ഗുജറാത്തിലെ കച്ച് മേഖലയില്‍ അയ്യായിരത്തോളം സിഖ് വംശജരുടെ കൃഷിഭൂമി ഏറ്റെടുക്കുന്നതിനെതിരെയാണ് പ്രതിഷേധം. ഭൂമി ഏറ്റെടുക്കുന്നതിനെതിരെ ഗുജറാത്ത് ഹൈക്കോടതി സിഖ്കാര്‍ക്ക് അനുകൂലമായി വിധിച്ചെങ്കിലും സുപ്രീംകോടതിയില്‍ അപ്പീല്‍ നല്‍കാന്‍ ഒരുങ്ങുകയാണ് മോഡി സര്‍ക്കാര്‍.
സിഖുകാര്‍ ഗുജറാത്തുകാരല്ലെന്ന കാരണം പറഞ്ഞാണ് ഭൂമി ഏറ്റെടുക്കല്‍ നടപടികളുമായി സര്‍ക്കാര്‍ മുന്നോട്ട് പോകുന്നത്. ഗുജറാത്തിലെ സിഖ് വിരുദ്ധ നടപടികള്‍ക്കെതിരെ ഡല്‍ഹിയിലെ ബിജെപി ആസ്ഥാനത്ത് അകാലിദള് പ്രവര്‍ത്തകര്‍ പ്രതിഷേധിച്ചു.
