ഗുജറാത്ത് മുഖ്യമന്ത്രി നരേന്ദ്ര മോഡി കേരളത്തിലെത്തുന്നു. മാതാ അമൃതാനന്ദമയിയുടെ അറുപതാം പിറന്നാള്‍ ആഘോഷ ചടങ്ങുകളില്‍ പങ്കെടുക്കാനായിട്ടാണ് മോഡി കേരളത്തിലെത്തുന്നത്.
സെപ്റ്റംബര്‍ 26ന് നരേന്ദ്ര മോഡി കൊല്ലം വള്ളിക്കാവിലെ അമൃതപുരി ആശ്രമത്തിലെത്തും. 26ന് രാവിലെ അമൃതാനന്ദമയി ഭക്തരെയും അതിഥികളെയും മോഡി അഭിസംബോധന ചെയ്യും.
അമൃതാനന്ദമയീയുടെ പിറന്നാള്‍ ആഘോഷങ്ങളുടെ ഔദ്യോഗിക ഉദ്ഘാടനം എപിജെ അബ്‌ദുല്‍ കലാമായിരിക്കും നിര്‍വ്വഹിക്കുക.
നരേന്ദ്ര മോഡിയെ ബിജെപി നേതൃത്വം അടുത്ത തെരഞ്ഞെടുപ്പില്‍ മുഖ്യമന്ത്രി സ്ഥാനാര്‍ത്ഥിയായി തീരുമാനിച്ചതിന് ശേഷമുള്ള അദ്ദേഹത്തിന്റെ ആദ്യ കേരള സന്ദര്‍ശനമാണിത്.
