ജിയാ ഖാന്റെ മരണം: മാധ്യമപ്രവര്‍ത്തകയെ ആദിത്യ പഞ്ചോളി ആക്രമിച്ചു
മുംബൈ|
WEBDUNIA|
PRO
PRO
മാധ്യമ പ്രവര്‍ത്തകയ്ക്ക് നേരെ ബോളിവുഡ് നടന്‍ ആദിത്യ പഞ്ചോളിയുടെ ആക്രമം. ബോളിവുഡ് നടി ജിയാ ഖാന്റെ മരണത്തില്‍ ആരോപണ വിധേയനായ മകന്‍ സൂരജ് പഞ്ചോളിയെക്കുറിച്ചുള്ള ചോദ്യങ്ങളാണ് ആദിത്യയെ പ്രകോപിപ്പിച്ചത്. കാറിന്റെ ഡോറുകൊണ്ട് മാധ്യമപ്രവര്‍ത്തകയുടെ കൈയില്‍ അടിക്കുകയായിരുന്നു.
ആദിത്യയുടെ ആക്രമണത്തില്‍ മാധ്യമപ്രവര്‍ത്തകയുടെ കൈവശമുണ്ടായിരുന്ന ക്യാമറയ്ക്കും കേടുപറ്റി. മുംബൈയിലെ കൂപ്പര്‍ ആശുപത്രിയില്‍ ചികിത്സയിലാണ് മാധ്യമപ്രവര്ത്തക. മുംബൈയില്‍ 55കാരനായ അയല്‍വാസിയായ ആക്രമിച്ച കേസില്‍ ജൂണില്‍ ആദിത്യക്കെതിരെ പോലീസ് കേസെടുത്തിരുന്നു. യെസ് ബോസ്, സൈലാബ്, ബോഡിഗാര്‍ഡ്, റേസ് 2 എന്നിവയാണ് ആദിത്യയുടെ ശ്രദ്ധിക്കപ്പെട്ട ചിത്രങ്ങള്‍.
കഴിഞ്ഞ ജൂണ്‍ മൂന്നിനാണ് ബോളിവുഡ് നടി ജിയാഖാനെ സ്വവസതിയില്‍ തൂങ്ങി മരിച്ച മരിച്ച നിലയില്‍ കണ്ടെത്തിയത്. ജിയാ ഖാന്റെ മരണവുമായി ബന്ധപ്പെട്ട് സൂരജ് പഞ്ചോളിയെ പോലീസ് അറസ്റ്റ് ചെയ്തിരുന്നു. ചുരുങ്ങിയ കാലംകൊണ്ട് ബോളിവുഡിന്റെ മുന്‍നിരയിലെത്തിയ ജിയാഖാന്‍, രാംഗോപാല്‍ വര്‍മ്മയുടെ സിനിമകളില്‍ സ്ഥിരം സാന്നിധ്യമായിരുന്നു. നിശബ്ധ്, ഗജനി, ഹൗസ്ഫുള്‍ തുടങ്ങിയ ചിത്രങ്ങളില്‍ ശ്രദ്ധേയമായ വേഷം ചെയ്തിട്ടുണ്ട്.
