അധ്യാപികയെ മര്‍ദ്ദിച്ച നിയമ വിദ്യാര്ഥി അറസ്റ്റില്‍
ഗുഡ്ഗാവ്|
WEBDUNIA|
Last Modified തിങ്കള്‍, 9 ഡിസം‌ബര്‍ 2013 (10:42 IST)
PRO
PRO
അധ്യാപികയെ മര്‍ദ്ദിക്കുകയും അപമാനിക്കാന്‍ ശ്രമിക്കുകയും ചെയ്ത നിയമ വിദ്യാര്ഥി അറസ്റ്റില്‍. ഗുഡ്ഗാവിലെ ഇന്‍സ്റിറ്റ്യൂട്ട് ഓഫ് ലോ ആന്‍ഡ് മാനേജ്മെന്റ് സ്റ്റഡീസിലെ പ്രൊഫസറെയാണ് അവസാന വര്‍ഷ നിയമ വിദ്യാര്‍ഥിയായ പാലം വിഹാറിലെ അജയ് ചൌധരി മര്‍ദ്ദിച്ചത്. ഇയാളെ14 ദിവസത്തേക്ക് ജുഡീഷ്യല്‍ കസ്റ്റഡിയില്‍ വിട്ടു.
ശനിയാഴ്ച നടന്ന സെമസ്റ്റര്‍ പരീക്ഷയ്ക്കിടെയാണ് സംഭവം. 9:30 ന് ആരംഭിക്കുന്ന പരീക്ഷ എഴുതാന്‍ പത്ത് മണിയോടെയാണ് ചൌധരി എത്തിയത്. അധ്യാപിക ഇയാളെ പരീക്ഷ എഴുതാന്‍ സമ്മതിച്ചില്ല. ഇതേ തുടര്‍ന്ന് ചൌധരി അധ്യാപികയെ മര്‍ദ്ദിക്കുകയായിരുന്നു.
അധ്യാപികയുടെ കൈയില്‍ നിന്ന് ചൌധരി ഉത്തരക്കടലാസുകള്‍ ബലമായി പിടിച്ചുവാങ്ങി. ഇത് തടയാന്‍ ശ്രമിച്ചപ്പോഴായിരുന്നു മര്‍ദ്ദനം. പരീക്ഷ അവസാനിച്ച ശേഷമാണ് ചൌധരിയെ അറസ്റ്റ് ചെയ്തത്.
