അധ്യാപകനെ ചുട്ടുകൊന്ന ഹെഡ്മാസ്റ്റര് പൊലീസ് പിടിയിലായി. രഞ്ജിത് കുമാര്‍ റസാഖ് എന്ന അധ്യാപകനെ തീവെച്ച് കൊന്ന കേസില്‍ ഹെഡ്മാസ്റ്റര് സഞ്ജയ് സിംഗിനെയാണ് പൊലീസ് അറസ്‌റ്റ് ചെയ്തത്. ബിഹാറിലെ പുര്‍ണിയ ജില്ലയിലാണ് കൊലപാതകം നടന്നത്.
മെയ് 30ന് സഞ്ജയ് സിംഗും കൂട്ടരും രഞ്ജിത്തിനെ ബലമായി സ്കൂളിലെ ബാത്‌റൂമില്‍ പിടിച്ചുകൊണ്ടുവരുകയായിരുന്നു. തുടര്‍ന്ന് ഇരുകൈകളും കാലുകളും കൂട്ടിക്കെട്ടി മണ്ണെണ്ണയൊഴിച്ച് തീ കൊളുത്തുകയായിരുന്നു.
എന്നാല്‍ പിടിയിലായ സഞ്ജയ് സിംഗ് താന്‍ തെറ്റൊന്നും ചെയ്തിട്ടില്ലെന്ന് വാദിച്ചു. പ്രതിക്കെതിരെ കൊലക്കുറ്റത്തിന് കേസ് റജിസ്റ്റര്‍ ചെയ്തു
