റഷ്യന്‍ വിദേശകാര്യമന്ത്രി സെര്‍ജി ലാവ്‌റോ രണ്ടുദിവസത്തെ ഇന്ത്യ സന്ദര്‍ശനത്തിന് ഇന്നെത്തും. മാര്‍ച്ച് 31, ഏപ്രില്‍ 1 തിയതികളിലാണ് അദ്ദേഹം ഇന്ത്യയിലുണ്ടാകുക. റഷ്യ ഉക്രൈനില്‍ സൈനിക നടപടി ആരംഭിച്ചതിന് ശേഷമുള്ള ആദ്യ സന്ദര്‍ശനമാണിത്. വിലക്കുറവില്‍ റഷ്യയുടെ ക്രൂഡ് ഓയില്‍ ഇന്ത്യ വാങ്ങുന്നതുമായിട്ടുള്ള ചര്‍ച്ചകള്‍ ഉണ്ടാകും. രണ്ടുദിവസത്തെ ചൈന സന്ദര്‍ശനത്തിന് ശേഷമാണ് ലാവ്‌റോ ഇന്ത്യയിലെത്തുന്നത്. ഇന്നുവൈകുന്നേരത്തോടെയാകും ചൈന സന്ദര്‍ശനം മതിയാക്കി അദ്ദേഹം ഇന്ത്യയിലെത്തുന്നത്.