1. വാര്‍ത്താലോകം
  2. വാര്‍ത്ത
  3. ദേശീയം
  4. Petition against change in covid protocol lakshadweep rejected

കൊവിഡ് പ്രോട്ടോക്കോൾ പരിഷ്‌കാരം: ലക്ഷദ്വീപ് നിവാസികളുടെ ഹർജി തള്ളി

ലക്ഷദ്വീപ്
ലക്ഷദ്വീപിലെ കൊവിഡ് പ്രോട്ടോക്കോൾ പരിഷ്‌കരണങ്ങൾ ചോദ്യം ചെയ്‌തുകൊണ്ടുള്ള ഹർജികൾ ഹൈക്കോടതി തള്ളി. പതിനാല് ദിവസത്തെ നിരീക്ഷണത്തിന് ശേഷം മാത്രമേ ദ്വീപിലേക്ക് വരാവു എന്ന വ്യവസ്ഥ എടുത്തുകളഞ്ഞതിന് എതിരെ ദ്വീപ് നിവാസികൾ നൽകിയ ഹർജിയാണ് തള്ളിയത്.
 
അഡ്മിനിസ്ട്രേറ്ററുടെ ഈ പരിഷ്കാരം  രോഗവ്യാപനം വർധിപ്പിച്ചെന്നായിരുന്നു ഹർജിയിലെ പ്രധാന വാദം. എന്നാൽ ഈ വാദത്തിൽ കഴമ്പില്ലെന്ന് ചൂണ്ടികാട്ടി ഡിവിഷൻ ബെഞ്ച് ഹർജികൾ തള്ളുകയായിരുന്നു. നേരത്തെ ഹൈക്കോടതി സിംഗിൾ ബെഞ്ചും ഹർജി തളളിയിരുന്നു. ഇക്കഴിഞ്ഞ ഡിസംബറിലാണ് ലക്ഷദ്വീപില്‍ കൊവിഡ് പ്രോട്ടോക്കോൾ പുതുക്കിയത്.
അടുത്ത ലേഖനം
സ്മാർട്ട് കൃഷി ഭവനുകൾ, കെ ഫോൺ നടപ്പിലാക്കും, മത്സ്യത്തൊഴിലാളികളുടെ പുനരധിവാസത്തിന് 2450 കോടി: പിണറായി 2.0 നയപ്രഖ്യാപനം