ബംഗളൂരു|
jibin|
Last Modified തിങ്കള്‍, 13 മാര്‍ച്ച് 2017 (16:26 IST)
പെണ്‍കുട്ടിയെ പീഡിപ്പിച്ച കേസില്‍ കന്നട നിര്‍മ്മാതാവ് വീരേഷ് അറസ്‌റ്റില്‍. സിനിമയില്‍ അവസരം നല്‍കാമെന്ന് പറഞ്ഞ് വിളിച്ചു വരുത്തിയ ശേഷം പെണ്‍കുട്ടിയെ ഇയാള്‍ പീഡിപ്പിക്കാന്‍ ശ്രമിക്കുകയായിരുന്നു.
പെണ്‍കുട്ടിയെ മുറിയിലേക്ക് വിളിച്ചു വരുത്തിയ വീരേഷ് സംസാരിക്കുന്നതിനിടെ ശാരീരികമായി ഉപദ്രവിച്ചു. പിടിവലിക്കിടെ പുറത്തെത്തിയ പെണ്‍കുട്ടി മുറി പുറത്തു നിന്നും പൂട്ടിയ ശേഷം ബന്ധുക്കളെ വിളിച്ചു വരുത്തി.
ബന്ധുക്കള്‍ എത്തിയ ശേഷം ഇവര്‍ വാതില്‍ തുറന്ന് വീരേഷിനെ മര്‍ദ്ദിച്ചു. തുടര്‍ന്ന് പൊലീസ് എത്തി ഇയാളെ അറസ്‌റ്റ് ചെയ്യുകയായിരുന്നു.
സിനിമയില്‍ അവസരം നല്‍കാമെന്ന് പറഞ്ഞ് വിളിച്ചു വരുത്തി പീഡിപ്പിക്കാന്‍ ശ്രമിക്കുകയായിരുന്നുവെന്നാണ് പെണ്‍കുട്ടിയുടെ മൊഴി.
