അനുബന്ധ വാര്ത്തകള്
- Long Covid: ലോങ് കോവിഡ് ബീജത്തിന്റെ നിലവാരത്തെ ബാധിക്കുമെന്ന് ചൈനീസ് പഠനം
- ഐസ്ക്രീമും പൊട്ടറ്റോ ചിപ്സുകളും കൊക്കെയ്ൻ പോലെ അഡിക്ഷൻ ഉണ്ടാക്കുന്നതായി പഠനം
- ദിവസവും 50 പടികൾ കയറുന്നത് ഹൃദ്രോഗ സാധ്യത 20 ശതമാനം കുറയ്ക്കുമെന്ന് പഠനം
- തണുപ്പ് കാലത്ത് രക്തസമ്മർദ്ദം ഉയരാം, രോഗികൾ ഇടയ്ക്കിടെ പരിശോധന നടത്തണമെന്ന് ഗവേഷണ റിപ്പോർട്ട്
- നാലാമത്തെ കുഞ്ഞിനെ ദത്തെടുത്തു, അവനൊരു സുന്ദരക്കുട്ടനാണെന്ന് വിസ്മയ മോഹന്ലാല്
മനുഷ്യരിൽ മാത്രമല്ല, നായ്ക്കളിലും ഉയർന്ന രക്തസമ്മർദ്ദം കൂടുന്നതായി പഠനം
മനുഷ്യരില് മാത്രമല്ല നായ്ക്കളിലും ഉയര്ന്ന രക്തസമ്മര്ദ്ദം കണ്ടുവരുന്നതായി പഠനറിപ്പോര്ട്ട്. ആറിനും 8 വയസിനും ഇടയിലുള്ള നായ്ക്കളിലാണ് രക്തസമ്മര്ദ്ദം കൂടുതലായി കണ്ടുവരുന്നതെന്ന് പഠനം പറയുന്നു. ഹൈദരാബാദിലെ പി വി നരസിംഹറാവു തെലങ്കാന വെറ്റിനറി സര്വകലാശാലയിലെ വെറ്റിനറി സയന്സ് കോളേജാണ് പട്ടികളില് പഠനം നടത്തിയത്.
6556 നായ്ക്കളെ പഠനവിധേയമാക്കിയതില് 87 എണ്ണത്തിന്(1.27%) ഉയര്ന്ന രക്തസമ്മര്ദ്ദവും 90.8 % നായ്ക്കള്ക്ക് സെക്കന്ററി ഹൈപ്പര് ടെന്ഷനും ഉള്ളതായി കണ്ടെത്തി. മറ്റ് രോഗാവസ്ഥകള് കാരണമാണ് സെക്കന്ററി ഹൈപ്പര് ടെന്ഷന് സംഭവിക്കുന്നത്. ശേഷിക്കുന്ന നായ്ക്കളില് തലയോട്ടിയില് രക്തസമ്മര്ദ്ദം വര്ധിക്കുന്ന ഇഡിയോപതിക് ഹൈപ്പര് ടെന്ഷനുള്ളതായും റിപ്പോര്ട്ടില് പറയുന്നു.
6 മുതല് 8 വയസ്സുള്ള പട്ടികളിലാണ് രക്തസമ്മര്ദ്ദം കൂടുതലായി കാണുന്നത്. തുടര്ന്ന് 12 വയസും അതിന് മുകളിലുമുള്ള നായ്ക്കളിലും ഉയര്ന്ന രക്തസമ്മര്ദ്ദം കണ്ടുവരുന്നു. ഉയര്ന്ന രക്തസമ്മര്ദ്ദമുള്ള 56 ശതമാനവും ആണ് ഇനങ്ങളാണ്.
