പീഡന കേസില്‍ അറസ്റ്റിലായി 10 വര്‍ഷത്തെ തടവുശിക്ഷക്ക് വിധിക്കപ്പെട്ട ഗുര്‍മീത് സിങ്ങ് റഹീം മുന്‍പോട്ടു വെച്ചത് ഒരേ ഒരു ഡിമാന്‍ഡ് ആണ്. വളര്‍ത്തുമകള്‍ ഹണിപ്രീത് സിങ്ങിനെ ജയിലില്‍ ഒപ്പം താമസിപ്പിക്കണം.

പ്രിയപ്പെട്ട വളര്‍ത്തുമകളെ ഒപ്പം താമസിപ്പിക്കണമെന്ന് റാം സിങ്ങ് ആവശ്യപ്പെട്ടപ്പോള്‍ ഹണിപ്രീതിനും അതേ ആഗ്രഹം തന്നെയാണെന്നാണ് പുറത്തു വരുന്ന വിവരം റിപ്പോര്‍ട്ടുകള്‍. റോഹ്തക് ജയിലിലേക്ക് ഹെലികോപ്റ്ററില്‍ എത്തിച്ച ഗുര്‍മീത് സിങ്ങിനൊപ്പം ഹണിപ്രീത് സിങ്ങും ഉണ്ടായിരുന്നു.

ആ രാത്രി ഒന്നിച്ചു കഴിയാന്‍ അനുവദിക്കണമെന്ന് ഹണിപ്രീതും അഭിഭാഷകന്‍ വഴി അപേക്ഷ സമര്‍പ്പിച്ചിരുന്നു. എന്നാല്‍ സിബിഐ കോടതി അപേക്ഷ തള്ളുകയാണുണ്ടായത്. ഗുര്‍മീത് സിങ്ങിന്റെ അടുത്ത വിശ്വസ്തയും വളര്‍ത്തുമകളുമായ ഹണിപ്രീത് സിങ്ങിനെ കൂറിച്ചുള്ള കഥകള്‍ പലതും പിന്നീട് പുറത്തു വന്നുണ്ട്.

ദേരാ സച്ചാ സൗദയുടെ ഉടമസ്ഥതയിലുള്ള വിദ്യാഭ്യാസ സ്ഥാപനത്തില്‍ പഠിച്ചയാളാണ് ഗുര്‍മീത് റാം സിങ്ങിന്റെ അടുത്ത വിശ്വസ്തയും വളര്‍ത്തുമകളുമായ ഹണിപ്രീത് സിങ്ങ്. ഹണിപ്രീത് സിങ്ങ് റാം സിങ്ങിന് സ്വന്തം മകളെപ്പോലെയാണെന്നാണ് ദേരാ സച്ചാ പ്രവര്‍ത്തകര്‍ പറയുന്നത്.